جمعیت علمائے اسلام کے سربراہ مولانا فضل الرحمان سے پاکستان میں تعینات سعودی سفیر نے ان کی رہائش گاہ پر ملاقات کی ہے۔
سعودی سفیر نواف بن سعید المالکی نے باجوڑ دھماکے میں قیمتی جانوں کے ضیاع پر مولانا فضل الرحمان سے تعزیت کا اظہار کیا۔
یہ بھی پڑھیں باجوڑ خودکش حملہ: 54 افراد شہید، 83 زخمی، سی ٹی ڈی
ملاقات میں باجوڑ دھماکے کے شہدا کے بلند درجات کے لیے دعائے مغفرت اور زخمیوں کی جلد صحت یابی کے لیے دعا کی گئی۔
اس موقع پر مولانا عبدالغفور حیدری، سینیٹر مولانا عطاالرحمان، وفاقی وزیر مولانا اسعد محمود، ڈپٹی اسپیکر قومی اسمبلی زاہد اکرم درانی بھی موجود تھے۔
واضح رہے کہ اتوار 30 اگست کو باجوڑ میں جمعیت علمائے اسلام کے جلسے میں خود کش دھماکا ہوا تھا جس میں اب تک 54 افراد شہید ہو چکے ہیں۔
