انڈین ریاست راجھستان سے دیر پہنچنے اور یہاں کے نوجوان نصراللہ سے شادی کرنے کے لیے اسلام قبول کرنے والی فاطمہ کو پاکستانی بزنس مین نے قیمتی تحائف دیے ہیں۔
سوشل ٹائم لائنز پر شیئر کی جانے والی ویڈیو میں پاکستانی کاروباری شخصت اور فاطمہ نصر اللہ (انجو) سمیت کئی افراد کو دکھایا گیا ہے۔
ویڈیو میں مختلف دستاویزات فاطمہ سے شیئر کرنے والے محسن خان عباسی ان سے گفتگو کرتے ہوئے بھی دکھائے گئے ہیں۔
محسن خان عباسی کے مطابق انہوں نے فاطمہ کو تحفہ کے طور پر 10 مرلہ کا پلاٹ پیش کیا ہے۔
We are delighted to share some heartwarming news with all our valued followers!#mohsinkhanabbasi #pak #pakcitypvtltd #anju #fatimanasrullah #indiangirl #nasrullah #married #republicworld #hindustantimes #inidacapital #indiangirlmarried #arynews #indiannews #exploredir pic.twitter.com/YMpgVbAU2u
— Mohsin Khan Abbasi (@Mohsinkhanabb) July 29, 2023
سوشل میڈیا پر شیئر کی گئی رپورٹس کے مطابق ریئل اسٹیٹ کے کاروبار سے وابستہ محسن خان عباسی نے فاطمہ نصر اللہ کو 35 لاکھ روپے مالیت کا پلاٹ تحفہ میں دیا ہے۔
راجھستان سے تعلق رکھنے والی خاتون چند روز قبل پاکستان پہنچی تھی جس کے بعد اس نے دیر بالا کے رہائشی نصر اللہ سے شادی کی ہے۔
شادی سے قبل اسلام قبول کرنے والی انجو کے معاملے کو پاکستانی اور انڈین میڈیا کے ساتھ ساتھ سوشل پلیٹ فارمز پر بھی خصوصی پزیرائی ملی ہے۔