گزشتہ کچھ مہینوں سے سماجی رابطوں کی ویب سائٹس پر صارفین کی جانب سے یہ بحث جاری ہے کہ کیا پاکستان دیوالیہ ہو جائے گا؟ جس کی وجہ یقینا ملک میں آئے روز بڑھتی ہوئی مہنگائی اور ڈالر کی بڑھتی ہوئی قدر ہے۔ آئی ایم ایف سے معاہدہ اور پھر اس کے نتیجے میں ہونے والی مہنگائی سے پریشان عوام جہاں حکومت وقت کو تنقید کا نشانہ بنارہے ہیں وہی حکمرانوں کی شاہ خرچیاں اور وی آئی پی پروٹوکول بھی شدید تنقید کی زد پر ہے۔
ایسی ہی ایک ویڈیو سماجی رابطے کی ویب سائٹ ایکس پر گردش کر رہی ہے جس میں دیکھا جا سکتا ہے کہ کوئٹہ میں چئیرمین سینیٹ صادق سنجرانی اپنے کچھ ساتھیوں کے ساتھ باہر کھلی ہوا میں بیٹھنے کے باوجود ایئر کنڈیشن سے لطف اندوز ہورے ہیں ، ویڈیو کے وائرل ہوتے ہی سوشل میڈیا صارفین نے ان کو شدید تنقید کا نشانہ بنایا اور تبصروں کا ایک نا تھمنے والا سلسلہ شروع ہوگیا۔
ویڈیو پوسٹ کرتے ہوئے صارف خرم اقبال نے لکھا یورپ، امریکا یا کسی بھی اور ملک میں کھلی فضا میں ایئر کنڈیشن کے استعمال کی ایسی شاندار مثال شاید ہی آپ کو کہیں ملے، ایک قرض دار ملک کے سیاستدانوں کی ہر شان نرالی ہے۔۔!
یورپ، امریکہ یا کسی بھی اور ملک میں کھلی فضا میں ایئر کنڈیشن کے استعمال کی ایسی شاندار مثال شاید ہی آپ کو کہیں ملے، ایک قرض دار ملک کے سیاستدانوں کی ہر شان نرالی ہے۔۔!!pic.twitter.com/F8vvd2csFb
— Khurram Iqbal (@khurram143) August 8, 2023
ویڈیو پر بحث مزید آگے بڑھی تو صارفین کا کہنا تھا کہ پاکستان میں جنگل کا قانون ہے جہاں کوئی کچھ بھی کر سکتا ہے اسی حوالے سے صارف عاصم عمران لکھتے ہیں کہ اسلامی جمہوریہ پاکستان ہے یہاں کچھ بھی ہو سکتا ہے سوائے ایمان داری کے۔
اسلامی جمہوریہ پاکستان ہے یہاں کچھ بھی ہو سکتا ہے سوائے ایمان داری کے
— Asim Imran (@ImranSh27902563) August 8, 2023
حکمرانوں کو حاصل ہونے والی مراعات کے حوالے سے تبصرہ کرتے ہوئے صارف صائمہ احمد کیانی لکھتی ہیں کہ انہوں نے کون سا اپنی جیب سے بل دینا ہے۔
انہوں نے کون سا اپنی جیب سے بل دینا ہے
— Saima Ahmed Kayani (@saimafuuast) August 8, 2023
ملک میں بڑھتی غربت اور حکمرانوں کی شاہ خرچیوں پر طنز کرتے ہوئے ایک صارف نے لکھا ڈالر صرف ان حکمرانوں کی سہولیات کی لیے لئے جاتے ہیں اور عوام کے حصے میں ان کے عوض مہنگائی آتی ہے۔
ڈالر صرف ان کے ششکوں کیلئے لئے جاتے ہیں اور عوام کے حصے میں ان کے عوض مہنگائی آتی ہے https://t.co/slOyqFdo5d
— Jahan Zaib Virk (@JZVirk) August 8, 2023
آئی ایم ایف سے ملنے والے قرضوں کے حوالے سے تبصرہ کرتے ہوئے صارف مارک لکھتے ہیں کہ پاکستان کو آئی ایم ایف کے ڈالرز کی انتہائی ضرورت ہے، ڈالرز صحیح جگہ پر جا رہے ہیں “آؤٹ ڈور ایئر کنڈیشننگ”
Pakistan’s much needed IMF Dollars, going in the right place” outdoor airconditioning”
— mark (@PRAYERSFORALL1) August 7, 2023
صارفین کا ماننا تھا کہ پاکستان میں بیرونی قرضوں کی وجہ سے مہنگائی میں روز بروز اضافہ ہوتا جا رہا ہے جبکہ ان سخت معاشی حالات کے باجود حکومت اپنے خرچے کم کرنے کے بجائے فضول خرچیاں کر کے عوام کے لیے مزید مشکلات بڑھا رہی ہے۔
