کراچی کی اینٹی کرپشن عدالت نے نسلہ ٹاور کو غیر قانونی زمین الاٹ کرنے کے کیس میں سابق ڈی جی سندھ بلڈنگ کنٹرول اتھارٹی (ایس بی سی اے) منظور کاکا کی درخواست ضمانت مسترد کر دی ہے۔
عدالت نے ملزم خیر محمد ڈاہری کی درخواست ضمانت بھی مسترد کردی۔ ملزمان کے خلاف سپریم کورٹ کے حکم پر مقدمہ درج کیا گیا تھا۔ ملزمان پر نسلہ ٹاور کو غیر قانونی طور پر اضافی زمین الاٹ کرنے کا الزام ہے۔
واضح رہے کہ سپریم کورٹ کے 8 اپریل 2021 کے حکم پر نسلہ ٹاور کو منہدم کر دیا گیا تھا۔ دونوں ملزمان عبوری ضمانت خارج ہونے کے بعد اس وقت جیل میں قید ہیں۔
عدالتی احکامات کے بعد نسلہ ٹاور کو مکمل گرایا گیا تھا۔ مکینوں نے احتجاج بھی کیا تھا مگر ان کی شنوائی نہ ہو سکی، ٹاور گرنے کے باعث رہائشی افراد اپنی جمع پونجی سے خریدے گئے فلیٹس سے بھی محروم ہو گئے تھے۔
