کراچی میں 7 ماہ میں کے دوران سماج دشمن عناصر کی جانب سے 51 ہزار وارداتیں کی گئی ہیں، اور اس دوران فائرنگ سمیت مختلف واقعات میں 317 افراد جاں بحق ہوئے۔
پولیس رپورٹ کے مطابق اسٹریٹ کرائم کی 51 ہزار سے زائد وارداتیں ہوئیں، اس دوران فائرنگ اور پرتشدد واقعات میں 317 افراد کی موت واقع ہوئی۔
مزید پڑھیں
اعداد و شمار میں یہ بات سامنے آئی ہے کہ 87 افراد کی موت ڈاکوؤں کے ہاتھوں ہوئی ہے، ڈاکوؤں کی فائرنگ سے 450 سے زائد افراد زخمی بھی ہوئے۔
جرائم پیشہ عناصر کی جانب سے رواں سال کے پہلے 7 ماہ میں 16 ہزار سے زائد موبائل فون چھینے گئے ہیں، جبکہ 30 ہزار سے زائد موٹرسائیکلیں چھینی اور چوری کی گئی ہیں۔
کراچی جسے روشنیوں کا شہر کہا جاتا ہے، وہاں کے باسی پولیس اور انتظامیہ کی ڈھیلی کمان کے باعث خود کو عدم تحفظ کا شکار سمجھتے ہیں، جرائم میں آئے روز اضافہ ہونے کے باوجود عوام کی جان و مال کے تحفظ کے لیے کوئی اقدامات نہیں کیے جا رہے۔
