نوبیل انعام یافتہ پاکستانی شہری ملالہ یوسف زائی نے اپنے انسٹاگرام اکاؤنٹ پر تصویر جاری کی ہے جس میں انہیں ہالی ووڈ کے مایہ ناز اداکار ٹام کروز کے ساتھ ملاقات کرتے دیکھا جا سکتا ہے۔
دراصل یہ تصویر ملالہ یوسفزئی نے اکیڈمی ایوارڈ 2023 کے لیے نامزد معروف ہالی وڈ اسٹارز کے ساتھ سالانہ ظہرانہ میں شرکت کی جہاں ان کی ہالی ووڈ سُپر اسٹار ٹام کروز سے بھی ملاقات ہوئی۔ یہ تصویر اسی موقع کی ہے۔
ایک روز قبل ہونے والی اکیڈمی ایوارڈ کی جانب سے دیئے گئے ظہرانے میں ہالی وڈ کے معروف اور نامور اداکار شامل ہوئے جن میں ٹام کروز، سٹیون سپیلبرگ اور کیٹ بلانشیٹ بھی شامل تھے، آسکر ایوارڈ کے لیے تقریباً 200اداکار ایوارڈ کےلیے نامزدہیں۔
ظہرانے میں ملالہ یوسفزئی نے بھی ہالی ووڈ دستاویزی فلم ’اسٹرینجر ایٹ دی گیٹ‘ (Stranger at the Gate) کے ایگزیکٹو پروڈیوسر کے طور پر شرکت کی جہاں ان کی کئی معروف شخصیات سے ملاقات ہوئی اور تصاویر بھی بنوائیں۔
25 سالہ نوبل انعام یافتہ ملالہ یوسفزئی روایتی ہلکے گلابی کڑھائی والے خوبصورت کرتا اور پاجاما میں ملبوس تھی۔
ملالہ نے ٹام کروز اور دیگر اداکاروں کے ساتھ تصاویر شیئر کرتے ہوئے کیپشن میں لکھا وہ اس سال کے تمام آسکرز کیلئے نامزد اُمیدواروں کے ساتھ مل کر بہت خوش ہیں اور اس اعزاز پر اکیڈمی ایوارڈز کی شکر گزار ہیں۔’
ملالہ نے ہالی ووڈ اسٹاراداکار اور پروڈیوسر ٹام کروز سے ملاقات پر بےحد خوشی کا اظہار کیا۔
