سانحہ9 مئی کے بعد سے پیدا ہونے والی صورتحال میں تحریک انصاف کو خیر باد کہنے کا جو سلسلہ شروع ہوا تھا 3 ماہ کا عرصہ گزر جانے کے بعد بھی برقرار ہے۔
پی ٹی آئی کو الوداع کہنے والوں میں تازہ اضافہ تحریک انصاف کی سابق رکن قومی اسمبلی آسیہ عظیم کا ہے جنہوں نے آج اسلام آباد میں تحریک استحکام پاکستان کے روح و رواں جہانگیر ترین سے ملاقات کی۔
آسیہ عظیم نے جہانگیر ترین سے ملاقات میں استحکام پاکستان پارٹی میں شمولیت کا اعلان کیا۔
آسیہ عظیم کے علاوہ استحکام پاکستان پارٹی میں کا حصہ بنے والوں میں سماجی ورکر آمنہ فاروق نے شامل ہیں۔ جہانگیر ترین نے آسیہ عظیم اور آمنہ فاروق کو پارٹی مفلر پہنا کر ان کا خیر مقدم کیا۔
اس موقع پر اسحاق خان خاکوانی، عون چوہدری اور ڈاکٹر فردوس عاشق اعوان بھی موجود تھے۔
