الیکشن کمیشن اسلام آبادمیں خیبر پختونخوا کے 21 اضلاع میں 27 اگست کو ہونے والے ضمنی بلدیاتی انتخابات کی نگرانی کے حوالے سے 3 روز کے لیے مرکزی کنٹرول روم اور شکایت سیل قائم کر دیا گیا۔
الیکشن کمیشن خیبرپختونخوا کے مطابق مرکزی کنٹرول روم انتخابی عمل کی مانیٹرنگ، شکایات کے ازالے کے لیے قائم کیا گیا ہے جو انتخابات کے نتائج مرتب ہونے تک کام کرتا رہے گا۔
مرکزی کنٹرول روم میں افسران بمع مانیٹرنگ ٹیم انتخابی عمل کی نگرانی کریں گے۔ مرکزی کنٹرول روم 26 اگست سے 28 اگست تک قائم رہے گا، مرکزی کنٹروم روم سے سینیئر افسران بمع مانیٹرنگ ٹیم 3 روز تک بلا تعطل انتخابی عمل کی کڑی نگرانی کرے گا۔
اس کے علاوہ انتخابی عمل کے حوالے سے شکایات کا فوری ازالہ بھی کیا جائے گا، کنٹرول روم پولنگ کا عمل شروع ہونے سے ابتدائی نتائج کے مرتب ہونے تک کام کرتا رہے گا پولنگ کے حوالے سے کسی بھی قسم کی شکایت درج کرنے کے لیے الیکشن کمیشن سے رابطہ کریں ۔