مسیحی برادری نے سانحہ جڑانوالہ کے المناک واقعے پر قوم کے نام پیغام میں کہاکہ ہم سب کو باہمی محبت اور بھائی چارے کو فروغ دینے کی ضرورت ہے، اور اس کے ساتھ ہی مسیحی برادری نے حکومت کی جانب سے ذمہ داران کے خلاف مؤثر اقدامات کرنے پر حکومت کا شکریہ بھی ادا کیا۔
مسیحی برادری نے سانحہ جڑانوالہ پر پیغام دیتے ہوئے کہاکہ جڑانوالہ کے المناک واقعے کے بعد حکومت کی جانب سے ذمہ داران کے خلاف مؤثر اقدامات کئے گئے، ان اقدامات کے پیشِ نظر مسیحی برادری نے پاکستان کے ساتھ یکجہتی کا اظہار کرتے ہوئے حکومت کا شکریہ ادا کیا۔
مسیحی برادری کا کہنا تھا کہ ہم سب مسیحی برادری مل کر یہاں پوری قوم کو پیغام دینا چاہتے ہیں کہ باہمی محبت اور بھائی چارے کو فروغ دیں، خدا سے ڈریں اور انسانیت کا دامن نہ چھوڑیں۔
مزید پڑھیں
انہوں نے کہاکہ ہم ان تمام قوتوں کے ساتھ ہیں جو پاکستان کی یکجہتی اور یگانیت کے لیے کام کرتی ہیں، ہم سب پاکستانی ہیں اور پاکستان ہمارا وطن ہے۔
مسیحی برادری کا کہنا تھاکہ ہم حکومت کے نہایت شکر گزار ہیں جو اس مشکل گھڑی میں شانہ بشانہ ہمارے ساتھ کھڑے ہیں، ہم ملک کے امن اور سلامتی کے لیے بھی دعاگو ہیں۔
ان کا کہنا تھاکہ تمام اقلیتی برادری اس بات کے لیے دعاگو ہیں کہ پاکستان میں سب امن، محبت اور صلح صفائی سے رہیں۔ ہمیں اپنے ملک کے لیے ہر حد تک جانا ہے۔
’اپنے ملک کے لیے محنت، عقل اور دانائی سے کام کرنا ہے۔‘
مسیحی برادری کا کہنا تھاکہ بے شک مسیحی برادری اس وقت مشکل وقت سے گزر رہی ہے مگر پھر بھی ہم محبِ وطن ہیں، اور ہمیشہ رہیں گے کیوںکہ یہ ملک ہم سب کا ہے۔
