پاکستان میں عام انتخابات کب ہوں گے تاحال کوئی تاریخ سامنے نہیں آئی لیکن ملک بھر کی طرح سندھ میں بھی عام انتخابات کی تیاریاں شروع ہو چکی ہیں، تاہم محکمہ تعلیم نے انتخابی ڈیوٹی کے لیے ملازمین کی فہرستیں مرتب کرنے کا حکم جاری کر دیا ہے۔
محکمہ تعلیم کے جاری کردہ نوٹیفکیشن کے مطابق ریجنل الیکشن کمشنر سندھ نے ملازمین سے متعلق کوائف نامہ تیار کرنے کا حکم دیا ہے۔
مزید پڑھیں
پروفارمہ کے مطابق نام، عہدہ، تقرر، جنس، تاریخ بھرتی و پیدائش، شناختی کارڈ کی تفصیلات دینے کی ہدایت کی گئی ہے۔
مراسلے کے مطابق محکمہ تعلیم کا عملہ انتخابات میں ڈیوٹی سر انجام دینے والے افسران کے نام تجویز کرے، اور ملازمین پروفارمہ بھر کر الیکشن کمیشن کی ویب سائیٹ یا فوکل پرسن کو ارسال کریں۔
واضح رہے ملک بھر میں عام انتخابات کی تیاریاں کی جارہی ہیں لیکن الیکشن کمیشن کی جانب سے تاحال کوئی تاریخ فائنل نہیں کی گئی ہے۔
