سابق وزیراعلیٰ پنجاب چوہدری پرویز الہی نے نیب کی جانب سے اپنی گرفتاری کو لاہور ہائیکورٹ میں چیلنج کر دیا ہے، درخواست میں آئی جی پنجاب، نیب اور ایف آئی اے سمیت دیگر کو فریق بنایا گیا ہے۔
چوہدری پرویز الہی نے درخواست میں مؤقف اپنایا ہے کہ نیب نے غیر قانونی طور پر وارنٹ گرفتاری جاری کرکے گرفتاری ڈالی ہے، نیب نے انکوائری کو بھی انوسٹیگیشن میں غیر قانونی طور پر اپ گریڈ کیا ہے، نیب نے نہ کال اپ نوٹس دیا نہ ہی اپنا بیان جمع کرانے کے لیے مہلت دی۔
عدالت سے استدعا کی گئی ہے کہ لاہور ہائیکورٹ نیب کی جانب سے کی گئی گرفتاری کو کالعدم قرار دے اور پرویز الہی کی کسی بھی خفیہ مقدمے میں گرفتاری روکنے کا حکم بھی جاری کیا جائے۔
