قومی کرکٹ ٹیم کے کپتان بابر اعظم نے ایشیا کپ کے پہلے میچ میں نیپال کے خلاف سینچری اسکور کر کے ایک روزہ انٹرنیشنل کرکٹ میں ایک اور عالمی ریکارڈ اپنے نام کر لیا ہے۔
قومی کرکٹ ٹیم کے کپتان نے 102ویں اننگز میں 19 ویں سینچری اسکور کر کے جنوبی افریقا کے ہاشم آملہ کا ریکارڈ توڑ دیا ہے۔ ’ہاشم آملہ نے اپنی 19 ویں سینچری 104 نمبر کی اننگز میں مکمل کی تھی‘
یہ بھی پڑھیں ایشیا کپ 2023: پاکستان کا نیپال کو جیت کے لیے 343 رنز کا ہدف
بابر اعظم نے 13 ویں، 14 ویں، 15 ویں، 16ویں اور سترویں سینچریاں بھی کم اننگز میں اسکور کی تھیں۔
مزید پڑھیں
اس سے قبل بابر اعظم 100 سے کم اننگز میں 18 سینچریاں کرنے والے پہلے بیٹر بنے تھے۔
بھارت کے ممتاز بیٹر ویرات کوہلی نے 124 ویں اننگز میں اپنی 19 سینچریاں مکمل کی تھیں۔
واضح رہے کہ آئی سی سی کی جانب سے جاری رینکنگ کے مطابق بابراعظم ایک روزہ میں بھی پہلے نمبر براجمان ہیں۔
بابر اعظم کی قیادت میں قومی ٹیم کامیابیاں سمیٹ رہی ہے، ان کو یہ بھی اعزاز حاصل ہے کہ حال ہی میں افغانستان کے خلاف ون ڈے سیریز میں کلین سوئپ کر کے ٹیم کو عالمی نمبر ون بنا دیا ہے۔
بابراعظم ایشیا کپ جیت کر پاکستان لانے کے لیے بھی پر عزم ہیں۔
