الیکشن کمیشن کے باہر احتجاج۔ عمران خان نے مقدمہ میں دہشت گردی دفعات حذف کرنے کی درخواست کردی۔ موقف اپنایا کہ انسداد دہشت گردی کا قانون سیاسی مخالفین کو دبانے کے لیے استعمال ہو رہا ہے۔
عمران خان نے الیکشن کمیشن کے باہر احتجاج پر درج مقدمے میں دہشت گردی کی دفعات پر پراسیکیوٹر کو درخواست دی۔ مؤقف اختیار کیا کہ مقدمے کے واقعات کو سامنے رکھتے ہوئے دہشت گردی کی دفعات مضحکہ خیز اور سپریم کورٹ کے سات رکنی بنچ کے فیصلے کی توہین ہیں۔
درخواست میں مزید کہا گیا ہے کہ انسداد دہشت گردی کا قانون سیاسی مخالفین کو دبانے اور سیاسی مفادات کے لیے استعمال ہو رہا ہے جو تباہ کن ہے۔ ان حربوں سے حکومت کی دہشت گردی کے معاملے میں غیر سنجیدگی کا اظہار بھی ہوتا ہے۔
