لوئر دیر کی تحصیل ادینزائی کے گاؤں زیم اسبنڑں میں زہریلا پانی پینے سے ایک خاتون جاں بحق جب کہ خاندان کے 10 متاثرہ افراد اسپتال پہنچ گئے۔
اے پی پی کے مطابق تحصیل ادینزائی کے گاؤں زیم اسبنڑں میں گھر کی ٹینکی میں کوئی زہریلی چیز گرگئی تھی۔ اس پانی کو پینے کے باعث ایک خاتون جاں بحق جب کہ گھر کے دیگر 10 افراد اسپتال پہنچ گئے۔
زہریلا پانی پینے سے متاثر ہونے والے افراد میں نسیم بیگم زوجہ شمس الوہاب ، تسلیم زوجہ گل کمین شاہ ، سعد خان ، اذان خان ، حسنین خان ،شیر بانو ، صیام خان ، ایان نور ،ایمن اور شفیع اللہ شامل ہیں۔ تمام متاثرہ افراد کو سوات کے ڈسٹرکٹ اسپتال میں منتقل کر دیا گیا ہے جہاں ان کا علاج معالجہ کیا جا رہا ہے۔
