پشاور میں مہنگائی سے تنگ آئے بے روزگار داماد نے ساس کے گھر سے ملکی اور غیر ملکی کرنسی سمیت زیورات چوری کر لیے تا ہم پولیس کی بروقت کارروائی سے ملزم کا سراغ لگا لیا گیا۔
پشاور میں تھانہ حیات آباد کی حدود میں پولیس نے میاں اور بیوی کو چوری ایک مقدمہ میں گرفتار کرکے ان کے قبضہ سے مسروقہ ملکی اور غیر ملکی کرنسی اور طلائی زیورات بھی برآمد کرلیے ہیں۔
پولیس کے مطابق واردات میں بیوی نے ماں کے گھر سے چوری میں شوہر کی مدد کی تھی۔ ملزمان کے قبضے سے مسروقہ 12 لاکھ روپے، 40 ہزار افغان کرنسی، 4200 امریکی ڈالر اور طلائی زیورات بھی برآمد کرلیے ہیں۔