ایشیا کپ سپر فور مرحلے کے میچ میں قومی کرکٹ ٹیم کو انڈیا سے بھاری مارجن سے شکست کا سامناکرنا پڑا ہے، روہت شرما الیون نے پاکستان کرکٹ ٹیم کو 228 رنز سے شکست دی ہے۔
بھارتی ٹیم نے بابر الیون کو 228 رنز سے شکست دے کرایک روزہ انٹرنیشنل کرکٹ میں تاریخ کی بڑی فتح اپنے نام کی ہے۔
کولمبو میں ہونے والے سپر فور مرحلے کے میچ میں بھارت نے پاکستان کو جیت کے لیے 356 رنز کا ہدف دیا تھا۔ پہاڑ جیسا اسکور دیکھ پاکستانی بیٹنگ لائن لڑکھڑا گئی اور پوری ٹیم 128 رنز پر پویلین لوٹ گئی۔
مزید پڑھیں
بھارت کی پاکستان کے خلاف ایک روزہ کرکٹ میں یہ سب سے بڑی فتح ہے۔ اس سے قبل 2008 میں انڈین ٹیم نے پاکستان کرکٹ ٹیم کو 140 رنز سے شکست دی تھی۔ جبکہ برمنگھم میں ہونے والی چمیپیئنز ٹرافی میں بھارت نے پاکستان کو 124 رنز سے ہرایا تھا۔
اس سے قبل 2009 میں سری لنکا نے پاکستان کو 234 رنز سے شکست دی تھی۔
اس کے علاوہ 2002 میں آسٹریلیا نے پاکستان کو 200 سے زیادہ رنز سے میچ ہرایا تھا۔ یوں قومی ٹیم تیسری مرتبہ کسی بھی ٹیم کے خلاف 200 سے زیادہ کے مارجن سے میچ ہاری ہے۔
قومی کرکٹ ٹیم کو بھارت کے ہاتھوں شکست پر شائقین کرکٹ مایوس ہیں، اور کہا جا رہا ہے بہتر تھا پی سی بی میچ کے لیے متبادل دن ہی نہ رکھواتا۔
