ملک کے بیشتر میدانی علاقوں آج میں موسم گرم اور مرطوب رہے گا، اسلام آباد، خطہ پوٹھوہار، شمال مشرقی پنجاب ،کشمیر میں چند مقامات پر تیز ہواؤں اور گرج چمک کے ساتھ بارش کا امکان ہے۔
محکمہ موسمیات کے مطابق منگل اور بدھ کے روز ملک کے بیشتر میدانی علاقوں میں موسم گرم اورمرطوب رہے گا، تاہم خطہ پوٹھوہار، اسلام آباد، شما ل مشرقی پنجاب، کشمیر اور ملحقہ پہاڑی علاقوں میں چند مقا مات پر تیز ہواؤں اور گرج چمک کے ساتھ بارش کا امکان ہے۔
گذشتہ 24 گھنٹے میں ملک کے بیشتر علاقوں میں موسم گرم اور مرطوب رہا، تاہم پنجاب، اسلام آباد اور کشمیر کے بعض مقامات پر بارش ہوئی، سب سے زیادہ بارش پنجاب میں ناروال 04، مظفر آ باد میں03 ملی میٹر بارش ریکارڈ ہوئی۔
گزشتہ روز نوکنڈی میں 45 اوردالبندین میں 44 ڈگری سینٹی گریڈ درجہ حرارت ریکارڈ کیا گیا۔
