سندھ کے نگراں وزیر قانون عمرسومرو نے 3 محکموں کے افسران کے زیر استعمال سرکاری گاڑیوں کی تفصیلات طلب کرلیں۔
عمرسومرو نے محکمہ قانون، انسانی حقوق اور مذہبی امور کے سیکریٹریز سے افسران کے زیر استعمال اڑیوں کی تفصیلات طلب کرتے ہوئے ہدایت کی ہے کہ تمام غیرمتعلقہ افراد سے محکمہ قانون،انسانی حقوق،مذہبی امور کی گاڑیاں فوری واپس منگوائی جائیں۔
محمد عمرسومرو نے ہدایت کی کہ جو سرکاری افسران گاڑیوں کے اہل نہیں ہیں ان سے بھی گاڑیاں فوری واپس لی جائیں، محکمہ پر کسی قسم کا غیر ضروری بوجھ ہرگز قبول نہیں کیا جائے گا۔
نگراں وزیرقانون نے تینوں محکموں کے سیکریٹریز کوہدایت کی کہ محکمے کی گاڑیاں فوری واپس نہ کرنے والوں کے خلاف قانونی کارروائی عمل میں لائے جائے۔
