پشاور الیکٹرک سپلائی کمپنی (پیسکو) کی جانب سے بجلی چوری کے خلاف آپریشن جاری ہے۔ پیسکو نے 1720 سے زائد کنڈے ہٹالیے 6 کروڑ 76 لاکھ روپے سے زائد کے جرمانے عائد کیے ہیں۔
ترجمان پیسکو کے مطابق سی ای او پیسکو قاضی محمد طاہر آپریشن کی نگرانی بذات خود کر رہے ہیں۔ 1425 سے زائد بجلی چوروں کیخلاف ایف آئی آر کے اندراج کے لیے درخواست جمع کرا دی گئی ہے۔
ترجمان کا کہنا ہے کہ 400 سے زائد بجلی چوروں کیخلاف ایف آئی آر درج کی جا چکی ہے جبکہ متعدد بجلی چوروں کو موقع پر گرفتار کرکے پولیس کے حوالے کر دیا گیا ہے۔ پیسکو صارفین بجلی چوری کی اطلاع 118 پر کال کرکے دے سکتے ہیں۔
