گلشن حدید کراچی میں اسکول پرنسپل عرفان غفور کو جسمانی ریمانڈ مکمل ہونے کے بعد ہفتہ کے روز عدالت پیش کیا گیا جہاں عدالت نے مبینہ ملزم کو عدالتی ریمانڈ پر جیل بھیج دیا۔
ہفتہ کے روز ملزم عرفان غفور کو پولیس نے جسمانی ریمانڈ کے بعد عدالت میں پیش کیا تو تفتیشی افسر نے عدالت کو بتایا کہ ملزم سے ابتدائی تفتیش مکمل کر لی ہے۔
مزید پڑھیں
تفتیشی افسر کے بیان کے بعد عدالت نے ملزم عرفان غفور کو عدالتی ریمانڈ پر جیل بھیج دیا اور سماعت 20 ستمبر تک ملتوی کر دی گئی، عدالت نے تفتیشی افسر سے آئندہ سماعت پر چالان بھی طلب کرلیا۔ ملزم کے خلاف تھانہ اسٹیل ٹاؤن میں دو مقامات درج ہیں۔
واضح رہے کہ کراچی کے علاقے گلشن حدید کے ایک پرائیویٹ اسکول میں خواتین سے زیادتی کیس میں پولیس نے ملزم عرفان غفور کو ملیر کورٹ میں مجسٹریٹ کے روبرو پیش کیا جہاں سرکاری وکیل نے انکشاف کیا تھا کہ ملزم اکیلا نہیں ہے بلکہ یہ پورا گروہ ہے، جبکہ تفتیشی افسر کی استدعا پرعدالت نے ملزم کو7 روزہ جسمانی ریمانڈ پر پولیس کے حوالے کر دیا تھا۔
پولیس کے مطابق ملزم اسکول پرنسپل عرفان کے خلاف ایک اور مقدمہ بھی درج کیا گیا ہے، مقدمہ اسٹیل ٹاؤن تھانے کے تفتیشی افسر کی مدعیت میں درج ہوا، ملزم عرفان نے دوران تفتیش منشیات اور جنسی ادویات کے استعمال کا اعتراف بھی کیا ہے۔
پولیس کے مطابق اب تک 45 سے زیادہ متاثرہ خواتین کا پتا چلا ہے، ملزم خواتین کو بلیک میل کرتا تھا۔
