پاکستان تحریک انصاف پارلیمنٹیرینز (پی ٹی آئی پی) کے قائدین سے امریکی قونصنل جنرل شانتی مور نے ان کے مرکزی دفتر میں جا کر ملاقات کی ہے۔
چئیرمین پی ٹی آئی پارلیمنٹیرینز پرویز خٹک، وائس چئیرمین محمود خان اور سیکریٹری اطلاعات ضیااللہ بنگش نے ان کو پارٹی آفس آمد پر خوش آمدید کیا۔
امریکی قونصل جنرل شانتی مور کی پی ٹی آئی پارلیمنٹیرین کے پشاور سیکرٹریٹ کا دورہ
چیئرمین پی ٹی آئی پارلیمنٹیرین پرویز خٹک،وائس چیئرمین محمود خان اور سیکرٹری اطلاعات ضیاء اللہ خان بنگش سے ملاقات
سیاسی صورتحال پر تبادلہ خیال
پرویزخٹک نے پارٹی منشور، آئین اور سلوگن بارے بریفنگ دی pic.twitter.com/95JdoevrEX
— Muhammad Faheem (@MeFaheem) September 17, 2023
ملاقات میں ملک کی موجودہ سیاسی صورت حال سمیت باہمی دلچسپی کے امور پر تبادلہ خیال کیا گیا۔
اس موقع پر چئیرمین پی ٹی آئی پارلیمنٹیرینز پرویز خٹک نے پاکستان تحریک انصاف پارلیمنٹیرینز کے منشور، آئین اور سلوگن کے بارے میں تفصیلی بریفنگ دی۔
قونصل جنرل شانتی مور نے خیبرپختونخوا میں پرویز خٹک اور محمود خان کی صوبے میں مختلف شعبوں میں اصلاحات کو سراہا۔
یہ بھی پڑھیں برطانوی ہائی کمشنر کی الیکشن کمیشن آمد پر پی ٹی آئی نے حیرت کا اظہار کر دیا
واضح رہے کہ غیر ملکی عہدیداروں کی سیاسی رہنماؤں اور سرکاری عہدیداروں سے ملاقات کوئی نئی بات نہیں۔
حالیہ دنوں میں برطانوی ہائی کمشنر جین میریٹ نے الیکشن کمیشن کے دفتر پہنچ کر چیف الیکشن کمشنر سکندر سلطان راجہ سے ملاقات کی۔
ملاقات کے بعد جین میریٹ نے سماجی رابطے کی سائیٹ ’ایکس‘ پر پوسٹ کرتے ہوئے لکھاکہ سکندر سلطان راجہ سے ملاقات ہوئی ہے، اتفاق ہوا ہے کہ ملک میں قانون کے مطابق آزاد، قابل اعتماد، شفاف اور سب کی شمولیت کے ساتھ انتخابات ضروری ہیں۔
