ایف آئی اے اینٹی کرپشن سرکل نے پشاور کے علاقہ نمک منڈی میں کارروائی کرتے ہوئے جعلی ادویات کی فروخت میں ملوث 2 ملزمان گرفتار کرکے ان کے قبضہ سے جعلی اور غیر رجسٹرڈ ادویات کی کھیپ برآمد کر لی ہے۔
ڈپٹی ڈائریکٹر اینٹی کرپشن سرکل پشاور سعد اللہ خان کی ہدایت پر جعلی ادویات اور غیر رجسٹرڈ ادویات کی خریدوفروخت میں ملوث ملزم کمال احمد اور اشفاق احمد کو پشاور کے علاقے نمک منڈی سے گرفتار کرلیا ہے۔
ترجمان ایف آئی اے کے مطابق دونوں ملزمان سے بڑی مقدار میں جعلی اور غیر رجسٹرڈ ادویات برآمد کر لی گئی ہیں۔ ’ملزمان کے خلاف مقدمہ درج کر لیا گیا ہے، مزید تفتیش جاری ہے۔‘
