وفاقی تحقیقاتی ایجنسی (ایف آئی اے) نے حوالہ ہنڈی اور غیر قانونی کرنسی کی خرید و فروخت میں ملوث ملزمان کو گرفتار کر لیا، ملزمان کے قبضے سے 48 کروڑ کے قریب ملکی و غیر ملکی کرنسی برآمد ہوئی ہے۔
ایف آئی اے نے اپنے سوشل میڈیا پلیٹ فارم ایکس پر بتایا کہ ڈائریکٹر ایف آئی اے خیبر پختونخوا زون نثار احمد خان تنولی کی ہدایت پر ایف آئی اے کمپوزٹ سرکل کوہاٹ نے کارروائی کر کے حوالہ ہنڈی میں ملوث 3 ملزمان کو بنوں روڑ کوہاٹ سے گرفتار کرلیا ہے۔
ایف آئی اے کمپوزٹ سرکل کوہاٹ کی بڑی کاروائی
ڈائریکٹر ایف آئی اے کے پی زون نثار احمد خان تنولی کی ہدایت پر حوالہ ہنڈی میں ملوث 3 ملزمان بنوں روڈ کوہاٹ سے گرفتار۔ملزمان سے مجموعی طور پر 32 لاکھ 70 ہزار روپے اور حوالہ ہنڈی سے متعلق شواہد برآمد۔مقدمہ درج -مزید تفتیش جاری ہے۔ pic.twitter.com/VI27fn9hFu— Federal Investigation Agency – FIA (@FIA_Agency) September 19, 2023
گرفتار ملزمان سے 72 لاکھ 70 ہزار روپے اور حوالہ ہنڈی کے شواہد برآمد ہوئے، ملزمان کے خلاف مقدمہ درج کر کے تفتیش شروع کر دی گئی ہے۔
دوسری جانب ایف آئی اے کے کمرشل بینکنگ سرکل کے ڈپٹی ڈائریکٹر جائِر نصرانی کی ہدایت پر 8 رکنی ٹیم نے چھاپہ مار کارروائی کر کے پاپولر ایکسچینج ایچ اینڈ ایچ کمپنی شاندار چوک جہلم سے 47 کروڑ مالیت کی ملکی اور غیر ملکی کرنسی برآمد کی۔
ایف آئی اے اسلام آباد کی کاروائی
ڈپٹی ڈائریکٹر کمرشل بینکنگ سرکل جائِر نصرانی کی ہدایت پر غیرقانونی کرنسی کی خرید و فروخت میں ملوث ملزمان گرفتار۔
پاپولر ایکسچینج ایچ اینڈ ایچ کمپنی شاندار چوک جہلم سے 47 ملین مالیت کی ملکی اور غیر ملکی کرنسی برآمد ۔مزید تفتیش جاری ہے۔ pic.twitter.com/6jIKdSKixS— Federal Investigation Agency – FIA (@FIA_Agency) September 19, 2023
برآمد ہونے والی کرنسی میں امریکی ڈالر برطانوی پاؤنڈ، ملائیشین رنگٹ ، ترکش لیرا، آسٹریلین ڈالر، یورو، قطری ریال سعودی ریال اور اماراتی درہم وغیرہ شامل ہیں، ملزمان کو گرفتار کر کے تفتیش کا آغاز کر دیا گیا ہے۔
