سٹی کورٹ کراچی کے احاطے میں عدالتی پیشی پر آئے قیدیوں کی منشیات استعمال کرتے ہوئے ویڈیو وائرل ہوگئی، ہتھکڑی لگے قیدی پبلک باتھ روم کی سیڑھیوں پر کھلے عام نشہ کرتے دکھائی دیے۔
’کراچی سٹی کورٹ لائے جانے والے قیدی منشیات سے لطف اندوز ہوتے ہیں وہ بھی پولیس پہرے میں‘
اس ویڈیو میں جیل سے پیشی پر لائے قیدی ٹوائلٹ میں منشیات استعمال کرتے واضح ہیں۔ قریب ہی پولیس اہلکار کھڑا ہے۔ اس طرح کی متعدد ویڈیو عام ہیں۔ یقینا یہ ’خدمت‘ مفت تو نہیں ہو گی۔ @KarachiPolice_ pic.twitter.com/cEp370w6Hy— Shahid Abbasi (@ShahidabbasiPk) September 19, 2023
کراچی میں مختلف جرائم میں ملوث قیدیوں کو جیل پولیس نے سٹی کورٹ میں پیش کیا جہاں پولیس کی موجودگی میں قیدی منشیات کا استعمال کرتے رہے اور وہاں ان کو کوئی پوچھنے والا موجود نہیں تھا۔
مزید پڑھیں
کراچی سٹی کورٹ کی وائرل ویڈیو میں دیکھا جا سکتا ہے کہ ہتھ کڑی لگے کم عمر قیدی پبلک باتھ روم کی سیڑیوں پر بیٹھے منشیات استعمال کر رہے ہیں لیکن جب اپنی ویڈیو بنتی دیکھی تو باتھ روم میں چلے گئے۔
واضح رہے سٹی کورٹ میں لائے گئے قیدی پولیس کی نگرانی میں دھڑلے سے منشیات کا استعمال کرتے دکھائی دیے۔
