مسلم لیگ ن کی سینیئر نائب صدر اور چیف آرگنائزر مریم نواز 7 روزہ دورے پر منگل کی شب لندن روانہ ہوں گی۔
پارٹی ذرائع کے مطابق مریم نواز کے دورے کا مقصد سابق وزیر اعظم نواز شریف کی لندن سے وطن واپسی پر ان کے استقبال کے حوالے سے اپنے والد اور ن لیگ کے قائد سے مشاورت کرنا ہے۔
مریم نواز لندن میں پارٹی کے دیگر رہنماؤں سے بھی ملاقات کریں گی اور وہاں ایک ہفتہ قیام کرنے کے بعد 27 ستمبر کو وطن واپس آجائیں گی۔
واضح رہے کہ ن لیگ کی جانب سے یہ اعلان کیا گیا ہے کہ سابق وزیر اعظم نواز شریف 21 اکتوبر کو وطن واپس آئیں گے۔ پارٹی ان دنوں نواز شریف کے استقبال کی تیاریوں میں مصروف ہے۔
