پاکستان کرکٹ ٹیم کے فاسٹ بولر شاہین شاہ آفریدی نے زندگی کی نئی اننگز کا آغاز کر دیا ہے، شاہین شاہ کا قومی ٹیم کے سابق کپتان شاہد آفریدی کی صاحبزادی انشا آفریدی سے کچھ ماہ قبل نکاح ہوا تھا اور اب آج رخصتی بھی ہو گئی ہے۔
شاہین شاہ آفریدی کی شادی کی تقریب میں فیملی ممبران سمیت اہم شخصیات نے شرکت کی ہے، اور خوشیوں کے ان لمحات میں قومی ٹیم کے کپتان بابر اعظم بھی شریک ہوئے۔
فاسٹ بولر نسیم شاہ نے سماجی رابطے کی ویب سائٹ ’ایکس‘ پر ایک تصویر شیئر کی ہے جس میں انہیں بابر اعظم کے ساتھ دیکھا جا سکتا ہے۔ تصویر کے کیپشن میں شاہین شاہ نے بابر اعظم کو فیملی کا حصہ قرار دیا ہے۔
family ❤️ pic.twitter.com/VjKAFOTIE5
— Shaheen Shah Afridi (@iShaheenAfridi) September 19, 2023
یوں تو شاہین شاہ کی جانب سے شیئر کی گئی تصویر عام آدمی کے لیے کوئی معنی نہیں رکھتی لیکن ’تصویریں بولتی ہیں‘ کے مصداق اس میں کئی راز پنہاں ہیں۔
حال ہی میں یہ خبریں زیر گردش ہیں کہ شاہین شاہ آفریدی بابر اعظم کی جگہ قومی ٹیم کے کپتان بننا چاہتے ہیں، اور اس کے لیے لابنگ کر رہے ہیں۔
ایشیا کپ کے سپر فور مرحلے میں سری لنکا کے ہاتھوں شکست کے بعد پاکستان ایونٹ سے باہر ہوا تو اس کے بعد میڈیا پر یہ خبریں چلی تھیں کہ شاہین شاہ آفریدی اور بابر اعظم کے درمیان تلخ کلامی ہوئی ہے، تاہم اس کی تصدیق نہیں ہو سکی تھی۔
مزید پڑھیں
اس کے علاوہ شاہد آفریدی کے نام سے منسوب ایک بیان بھی سوشل میڈیا کی زینت بنا ہوا ہے جس میں یہ کہا جا رہا ہے کہ شاہد آفریدی شاہین شاہ آفریدی کو قومی ٹیم کا کپتان بنانا چاہتے ہیں۔
شاہد آفریدی سے منسوب کی گئی خبر جب سوشل میڈیا پر وائرل ہوئی تو انہوں نے اس کی تردید کرتے ہوئے کہاکہ میں واحد شخص ہوں جو چاہتا ہوں کی شاہین کپتانی سے دور رہے۔
یہ بھی پڑھیں ’واحد بندہ ہوں جو شاہین آفریدی کو کپتانی سے دور رکھتا ہوں‘ شاہد آفریدی
سابق کپتان شاہد آفریدی نے مقامی میڈیا چینل کے ان دعوؤں کی سختی سے تردید کی ہے جس میں کہا گیا تھا کہ وہ مستقبل قریب میں شاہین آفریدی کو پاکستان کرکٹ ٹیم کی قیادت سونپنے کی وکالت کر رہے ہیں۔
شاہین شاہ آفریدی کی جانب سے بابر اعظم کے ساتھ ’ایکس‘ پر شیئر کی گئی تصویر پر لوگوں نے مختلف تبصرے کیے ہیں۔
وقار آفریدی نامی صارف لکھتے ہیں کہ پاکستان کے بہترین بیٹر اور بہترین بولر کے درمیان سب کچھ ٹھیک ہے، اور وہ پہلے کی طرح متحد ہیں۔
Alhamdullelah Everything is all Right between Pakistan Best Batsman and Best Bowler. Don’t listen to Media’s Trash . They are United like Before MashAllah 🤩#babarazam #shaheenafridi
— Waqar Afridi (@WakaAfridi) September 19, 2023
پاکستانی شاہینز بریگیڈ نام کے اکاؤنٹ سے ٹوئٹ کی گئی کہ نفرت پھیلانے والوں کا ایجنڈا کیچڑ میں دھنس گیا ہے۔
All the agendas of hate mongers in the mud.
WE. ARE. CLEARRRR#SochnaBhiManaHai
— Pakistani Shaheens Brigade (@ShaheensBrigade) September 19, 2023
ماہم گیلانی نامی صارف نے اسے آج کے دن کی ایک بہترین تصویر قرار دیا۔
Lets call it a picture perfect ✨❤️
— Maham Gillani (@DheetAfridian) September 19, 2023
وہاب خان نے شاہین شاہ اور بابر اعظم کے لیے نیک خواہشات کا اظہار کرتے ہوئے لکھا کہ آپ دونوں ہمارا فخر ہیں۔
Ma Sha Allah
You both are our proud Pakistanis ❤️😍— Wahab Khan (@Itx_Wahab123) September 19, 2023
سوشل میڈیا صارفین کی جانب سے کہا جا رہا ہے کہ جو لوگ بابر اعظم اور شاہین شاہ آفریدی کے درمیان اختلافات کی خبروں کو ہوا دے رہے تھے آج کی یہ تصویر ان کے لیے ایک خاموش پیغام ہے۔
