ایشین گیمز میں پاکستان کی خواتین کرکٹ ٹیم نے سیمی فائنل کے لیے کوالیفائی کرلیا جبکہ بھارتی ٹیم نے بھی اس مرحلے میں اپنی جگہ بنالی۔
جمعرات کو پاکستان کرکٹ بورڈ کی جانب سے جاری تفصیلات کے مطابق چین کے شہر ہانگزو میں ہونے والے 19ویں ایشین گیمز کے خواتین کرکٹ ایونٹ میں پاکستان اور انڈونیشیا کی خواتین ٹیموں کے درمیان کوارٹرفائنل بارش کی وجہ سے ممکن نہیں ہوسکا تاہم قومی ٹیم نے بہتر سیڈنگ کی بنیاد پر سیمی فائنل کے لیے کوالیفائی کرلیا۔
The quarter-final between Pakistan and Indonesia has been abandoned without a ball bowled.
➡️ Pakistan advance to the semi-finals due to higher seeding 👏#AsianGames #BackOurGirls pic.twitter.com/BtSwugaKiO
— Pakistan Cricket (@TheRealPCB) September 21, 2023
یاد رہے کہ پاکستان ایشین گیمز کے خواتین کرکٹ مقابلوں کا دفاعی چیمپئن ہے۔ اس نے سنہ 2010 اور سنہ 2014 کے ایشین گیمز ویمنز کرکٹ ایونٹ میں گولڈ میڈل جیتا تھا۔
انڈیا نے بھی سیمی فائنل میں جگہ بنالی ہے۔ 2 کوارٹرفائنلز جمعے کے روز کھیلے جائیں گے جن میں سری لنکا کا مقابلہ تھائی لینڈ سے ہوگا جبکہ بنگلہ دیش کی ٹیم ہانگ کانگ سے مقابلہ کرے گی۔
سیمی فائنل کے میچز 24 ستمبر کو کھیلے جائیں گے۔ پاکستانی ٹیم سیمی فائنل میں سری لنکا یا تھائی لینڈ سے نبرد آزما ہوگی جبکہ بنگلہ دیش اور ہانگ کانگ میں سے کوئی ایک بھارت کا سامنا کرے گا۔ ٹورنامنٹ کا فائنل پیر 25 ستمبر کو ہوگا۔
