آئی سی سی کرکٹ ورلڈ کپ 5 اکتوبر سے بھارت میں شروع ہونے جا رہا ہے جس کے لیے چند روز قبل بھارت نے آفیشل اینتھم ریلیز کیا جو شائقین کرکٹ کو کچھ خاص پسند نہیں آیا۔ ہمیشہ کی طرح صارفین نے سماجی رابطے کی ویب سائٹ ایکس کا رخ کیا اور پاکستانی گلوگار علی ظفر سے ورلڈ کپ کے نئے اینتھم کی فرمائش کر ڈالی۔
صارفین کے بےحد اصرار کے بعد علی ظفر نے ورلڈکپ اینتھم بنانے کا اعلان کردیا اور سماجی رابطے کی ویب سائٹ پر پوسٹ کرتے ہوئے لکھا کہ وہ جلد ہی اینتھم بنا کر مداحوں کی فرمائش پوری کردیں گے۔
اس واقعے کے چند روز بعد آج گلوگار علی ظفر نے ورلڈ کپ اینتھم کے حوالے سے ایک بار پھر پوسٹ کرتے ہوئے لکھا ورلڈ کپ کے ترانے کے حوالے سے ایک اچھی خبر! ابھی فلائٹ میں بیٹھے بیٹھے ایک آمد ہوئی ہے ، کام شروع ہوگیا ہے اینتھم کا ٹائٹل ایک دم سے آیا، ‘مزہ آیا’
انہوں نے مزید لکھا میں نے اپنے دوست پروڈیوسر علی مصطفی کے ساتھ کام شروع کردیا ہے جنہوں نے ‘اب کھیل جمے گا’ جیسے ترانوں میں بھی میرے ساتھ کام کیا ہے۔
انہوں نے مداحوں سے درخواست کی کہ ‘مزہ آیا’ اینتھم کے لیے ان کو کچھ گرافکس اور ویژول کی ضرورت ہے ، جس کا سب سے اچھا ہوگا اس کو ویڈیو میں شامل کیا جائے گا۔
OK guys! A good news regarding the World Cup anthem ! Flight mein aik “aamad” huee hai.
Kaam start ho gaya hai. Anthem ka title aik dum se aaya….“MAZA AAYA!”
Work started with my dear friend, co arranger/producer @djalimustafa who also worked with me on “Ab Khel Jame Ga”.… https://t.co/38Q8eMDZmU pic.twitter.com/AOTfnSEVlW
— Ali Zafar (@AliZafarsays) September 26, 2023
علی ظفر کی پوسٹ پر صارفین نے تبصروں کا ایک انبار لگا دیا ، کسی نے درخواست کی کہ ان کو مایوس نہ کیا جائے تو کسی کا کہنا تھا کہ اب واقعی ورلڈ کپ کا مزہ آئے گا، ایک صارف نے تبصرہ کرتے ہوئے لکھا علی بھائی یہ تو اچھی خبر ہے ، مزہ آیا کافی اچھا ٹائٹل لگ رہا ہے ۔ اب مزید صبر نہیں ہوگا۔
Ali bhie that's exciting news about the #WorldCup2023 anthem! "Maza Aaya" sounds like a catchy title. Looking forward to hearing it! 🎶🏏🎉 #CWC2023
— A H A D 🚩 (@Xh_Sahib) September 26, 2023
واضح رہے کہ علی ظفر نے اس سے قبل پی ایس ایل کے لیے میلہ لوٹ لیا، سیٹی بجے گی اوردل سے جان لگا دی جیسے گانے گائے جو شائقین کو خوب پسند آئے۔
