دنیا بھر کے سیاست دان نہ صرف اپنے حامیوں کے مرکز نگاہ ہوتے ہیں بلکہ ان کے ناقدین بھی ان کی زندگی کے ہر ایک پہلو پر نظر رکھے ہوئے ہوتے ہیں۔ ان کی ذاتی زندگی سے لے کر سماجی زندگی ، شخصیت سے لے کر فیشن سینس ہر چیز پر نظر رکھنا ان کے مداحوں اور ناقدین کا پسندیدہ مشغلہ ہوتا ہے۔
پاکستانی سیاست میں مسلم لیگ ن کی چیف آرگنائزر مریم نواز کو اگر سب سے زیادہ خوش لباس کہا جائے تو غلط نہیں ہوگا اور یہی وجہ ہے کہ اکثر مریم نواز کی فیشن سینس اور خوش لباسی سماجی رابطوں کی ویب سائٹ پر زیر بحث رہتی ہے۔
سماجی رابطے کی ویب سائٹ ایکس پر مریم نواز ایک بار پھر موضوع بحث ہیں اور اس بار متحدہ عرب امارات کی ایک وزیر کی تصویر کے ساتھ ان کی تصویر وائرل ہو رہی ہے جس کے بارے میں کہا جارہا ہے کہ یو اے ای کی خاتون وزیر نے مریم نواز کے اسٹائل کو کاپی کیا ہے۔ تصویر پر پوسٹ کرتے ہوئے صارف مومن مختار نے سوال پوچھا کیا یہ وزیر مریم نواز کو کاپی کر رہی ہیں؟
آپکی کیا رائے ہے؟ pic.twitter.com/FMnEG4yh6p
— Momin Mukhtar (@Momin_Speaks) September 27, 2023
صارف مومن مختار نے تصویر پوسٹ کرتے ہوئے سوال پوچھا تو جواب میں صارفین نے تبصروں کا ایک طوفان برپا کر ڈالا ، کسی نے کہا کہ کاپی لفظ استعمال کرنا غلط ہے تو کسی نے تبصرہ کیا کہ سیاسی مخالفت ایک جگہ لیکن مریم نواز کی فیشن سینس کو داد دینی پڑے گی۔ ایک صارف نے تبصرہ کرتے ہوئے لکھا یہ تو مریم نواز کی جڑواں بہن لگ رہی ہیں۔
Look like Maryam Nawaz Twin
— Irfan Safdar (@Irfansafdar89) September 27, 2023
اسی حوالے سے تبصرہ کرتے ہوئے صارف عالیہ فاطمہ نے لکھا یہ یو اے ای کا قومی لباس ہے ، مریم نواز نے ترکش کی اداکارہ کا اسٹائل کاپی کیا ہے۔
this is UAE traditional dress.
Maryam nawaz copied Turkish actress style— Alia fatima (@aliaa_fatimaa) September 27, 2023
واضح رہے کہ اس سے قبل بھی سماجی رابطوں کی ویب سائٹ پر مسلم لیگ ن کی رہنما حنا پرویز بٹ نے مریم نواز کی ایک تصویر پوسٹ کرتے ہوئے اس کے ساتھ اپنے جذبات کا اظہار کرتے ہوئے لکھا ’سٹائل کوئین مریم نواز۔‘ جس کے بعد صارفین کا کہنا تھا کہ مریم نواز نے سابق وزیر اعظم بینظیر بھٹو کے اسٹائل کو کاپی کیا ہے۔
