گزشتہ روز پاکستان کرکٹ ٹیم آئی سی سی ورلڈ کپ میں شرکت کے لیے براستہ دبئی بھارت پہنچی گئی ہے۔ ایئر پورٹ پہنچنے پر بھارتی مداحوں کی جانب سے شاندار استقبال پر جہاں پاکستانی صارفین سوشل میڈیا پر خوش دیکھائی دیے وہیں پاکستان کرکٹ ٹیم بھی سماجی رابطوں کی ویب سائٹس پر ان کا شکریہ ادا کرتی دیکھائی دی۔
اسی حوالے سے کل صبح سے پاکستان سمیت انڈیا کی ٹرینڈنگ لسٹ میں بھی پاکستان کرکٹ ٹیم کے کپتان بابر اعظم کا نام شامل ہے ، اس کے علاوہ انڈین صارفین کی جانب سے سوشل میڈیا پر ویلکم ٹو انڈیا کا ہیش ٹیگ بھی ٹرینڈنگ لسٹ میں ٹاپ پر ہے۔ صارفین کا کہنا ہے کہ جب سیاست کو کھیلوں سے دور رکھا جاتا ہے ہر طرف صرف امن اور محبت ہی نظر آتی ہے۔
پاکستان کرکٹ ٹیم کا فاسٹ بولر شاہین شاہ آفریدی انڈیا پہنچے تو مداحوں کی ایک بڑی تعداد ان کی منتظر تھی ، اسی حوالے سے انہوں نے فوٹو شئیرنگ ایپ انسٹاگرام پر پوسٹ کرتے ہوئے لکھا اب تک کا سب سے اچھا استقبال
پاکستان کرکٹ ٹیم کے کپتان بابر اعظم بھی اس موقع پر کسی سے پیچھے نہ رہے اور انسٹاگرام پر اپنی ایک تصویر پوسٹ کی اور لکھا حیدر آباد میں ملنے والی محبت اور سپورٹ کا شکرگزار ہوں۔
پاکستان کرکٹ ٹیم کے اوپننگ بیٹر اور وکٹ کیپر محمد رضوان نے سماجی رابطے کی ویب سائٹ ایکس پر اپنے جذبات کا اظہار کرتے ہوئے لکھا یہاں کی عوام کی جانب سے شاندار استقبال۔ سب کچھ انتہائی اچھا تھا۔ اگلے 1.5 مہینوں کے منتظر ہیں۔
Amazing reception from the people here. Everything was super smooth. Looking forward to the next 1.5 months 😇
— Muhammad Rizwan (@iMRizwanPak) September 27, 2023
قومی کرکٹ ٹیم کے وائس کپتان شاداب خان نے بھی ایکس پر تصاویر پوسٹ کرتے ہوئے لکھا ہم سب ورلڈ کپ کے لیے تیار ہیں۔ ہم اس ٹورنامنٹ میں اپنا سو فیصد دیں گے۔ ہم اپنے مداحوں کے تعاون سے اپنے مقاصد حاصل کر سکتے ہیں۔ ہمیں خود پر بھی تب اعتماد ہو گا جب آپ ہم پر اعتماد کریں گے۔
All geared up for the World Cup. We will give it our all. We can achieve our goals with the support of our fans. We believe when you believe. #PakistanZindabad pic.twitter.com/s3YFgHnnVy
— Shadab Khan (@76Shadabkhan) September 28, 2023
آج صبح حیدر آباد کے راجیو گاندھی کرکٹ اسٹیڈیم میں پریکٹس سیشن کے دوران لی گئی تصویر پوسٹ کرتے ہوئے اوپننگ بیٹر فخر زمان نے لکھا ہیلو بھارت!
Hello, Bharat! 👋 pic.twitter.com/Fw4weRP41l
— Fakhar Zaman (@FakharZamanLive) September 28, 2023
پاکستان کرکٹ ٹیم کے کھلاڑیوں نے ورلڈ کپ کے آغاز سے قبل مداحوں سے درخواست کی کہ ان کو سپورٹ کریں ۔ واضح رہے کہ قومی کرکٹ ٹیم کل جمعہ 29 ستمبر کو نیوزی لینڈ کے خلاف پہلے وارم اپ میچ میں میدان میں اترے گی۔
