نوبل انعام یافتہ ملالہ یوسفزئی جنوبی افریقہ کے شہر جوہانسبرگ میں 21 واں سالانہ نیلسن منڈیلا لیکچر دیں گی۔
نیلسن منڈیلا فاؤنڈیشن (NMF) نے سوشل میڈیا ایکس پر آفیشل اکاﺅنٹ پر اس سالانہ نیلسن منڈیلا لیکچر کے بارے میں ادارے کے قائم مقام چیف ایگزیکٹو ورن ہیرس کا حوالہ دیتے ہوئے لکھا گیا ہے کہ 5 دسمبر 2023ء کو طے شدہ یہ لیکچر ایک خاص اہمیت رکھتا ہے کیونکہ یہ اتفاقاً نیلسن منڈیلا کی دسویں برسی کے موقع پر منعقد ہو گا۔
مزید پڑھیں
نیلسن منڈیلا فاؤنڈیشن کی طرف سے بتایا گیا ہے کہ ملالہ اس قیادت کی نمائندگی کرتی ہیں جس کی دنیا کو ہر سطح پر ضرورت ہے، وہ موجودہ عالمی چیلنجز کا سامنا کرتے ہوئے منصفانہ اور مساوات پر مبنی مستقبل کے لیے امید کی متاثر کن علامت کے طور پر کھڑی ہیں۔
یہاں یہ بات قابلِ ذکر ہے کہ دنیا کی سب سے کم عمر نوبل امن انعام یافتہ ملالہ یوسفزئی نیلسن منڈیلا لیکچر دینے والی اب تک کی سب سے کم عمر مقرر ہوں گی۔
We are honoured to announce that @Malala, Nobel Peace Prize laureate, has graciously accepted our invitation to deliver the 21st Nelson Mandela Annual Lecture.
Scheduled for 5 December 2023, this lecture holds special significance as it coincides with the tenth anniversary of… pic.twitter.com/0rPWMQflzH
— NelsonMandela (@NelsonMandela) October 2, 2023
واضح رہے کہ نیلسن منڈیلا فاؤنڈیشن ایک غیر منفعت بخش تنظیم ہے جو جنوبی افریقہ کے سابق صدر نیلسن منڈیلا نے 1999 میں سب انسانوں کے لیے آزادی اور مساوات کو فروغ دینے کے لیے قائم کی تھی۔
آغاز سے اب تک ’نیلسن منڈیلا فاؤنڈیشن کے سالانہ اجلاس سے اقوام متحدہ کے سیکرٹری جنرل انتونیو گٹیرس، مائیکروسافٹ کے بانی دوست بل گیٹس، آرچ بشپ ڈیسمنڈ ٹوٹو اور اقوام متحدہ کے سابق سیکرٹری جنرل کوفی عنان سمیت دیگر اہم عالمی رہنما بھی خطاب کر چکے ہیں، اب نوبل انعام یافتہ ملالہ یوسفزئی بھی اس فہرست میں شامل ہو جائیں گیں۔
