اسلام آباد ہائیکورٹ میں پاکستان تحریک انصاف (پی ٹی آئی) کے رہنما صداقت عباسی کی بازیابی کی درخواست پر سماعت ہوئی، عدالت نے وزارت داخلہ کو ماتحت قانون نافذ کرنے والے ادارے سے رپورٹ لینے کی ہدایت کرتے ہوئے سماعت ملتوی کر دی۔
اسلام آباد ہائیکورٹ کے چیف جسٹس عامر فاروق نے کیس کی سماعت کی، وکیل بابر اعوان کے جونیئر وکیل عدالت میں پیش ہوئے۔ دوسری جانب سے اسٹیٹ کونسل زوہیب گوندل عدالت کے روبرو پیش ہوئے۔
مزید پڑھیں
اسٹیٹ کونسل نے عدالت کو بتایا کہ قانون نافذ کرنے والے ادارے کو خط لکھا ہے تاحال کوئی جواب نہیں آیا۔
جس پر عدالت نے وزارت داخلہ کو ماتحت قانون نافذ کرنے والے ادارے سے رپورٹ لینے کی ہدایت کر دی۔
چیف جسٹس عامر فاروق نے اپنے ریمارکس میں کہاکہ صداقت عباسی کہاں ہیں، وزارت داخلہ ماتحت اداروں سے آئندہ سماعت تک رپورٹ لیکر عدالت کو آگاہ کرے۔
عدالت نے دونوں وکیلوں کے دلائل سننے کے بعد اہم ریمارکس دیتے ہوئے وزارت داخلہ سے رپورٹ طلب کی اور کیس کی سماعت ملتوی کر دی۔
