الیکشن کمیشن آف پاکستان نے عوامی معلومات کے لیے انٹرا پارٹی انتخابات سے متعلق معلومات پر مشتمل سرٹیفکیٹ، پارٹی اراکین کے نام اور عہدوں کی تفصیلات جاری کر دی ہیں۔
الیکشن کمیشن آف پاکستان کی جانب سے جمعرات کو جاری ایک نوٹیفکیشن میں کہا گیا ہے کہ ’ الیکشن ایکٹ 2017 کی دفعہ 208 اور 209 (3) اور الیکشن رولز 2017 کے قاعدہ 158 کے ذیلی قاعدہ (2) کے مطابق الیکشن کمیشن آف پاکستان نے عوامی معلومات کے لیے انٹرا پارٹی انتخابات کے انعقاد سے متعلق معلومات پر مشتمل سرٹیفکیٹ، پارٹی عہدیداروں کے نام، عہدے اور پتہ جات، انتخابی نتائج کی تفصیلات اور نئی سیاسی جماعت ’استحکام پاکستان پارٹی‘ کے حوالے سے کاپی شائع کر دی ہے۔
