کراچی پولیس نے مضر صحت گٹکے اور ماوے کے لیے مبینہ طور پر استعمال ہونے والی چھالیہ کی اسمگلنگ ناکام بناتے ہوئے خاتون اور ان کے ساتھی کو گرفتار کرلیا۔
متعلقہ پولیس کے ترجمان کے مطابق ضلع غربی میں واقع تھانہ منگھو پیر کی پولیس ٹیم نے خفیہ اطلاع پر کارروائی کرکے چھالیہ کی اسمگلنگ میں ملوث ملزم اور ملزمہ کو گرفتار کیا۔
ملزم و ملزمہ کو ناردرن بائی پاس چلغازی مزار کے قریب کچے راستے سے گرفتار کیا گیا۔ ملزمان کی گاڑی سے 10 عدد بوروں میں موجود 100 کلو سے زائد چھالیہ اور نقدی رقم برآمد کرلی گئی۔
پولیس نے اسمگلنگ میں استعمال ہونے والی گاڑی کو بھی قبضے میں لے لیا۔
گرفتار ملزمان کے خلاف ضابطے کے تحت مقدمہ درج کرکے تفتیش کا آغاز کردیا گیا ہے۔ ملزمان میں طالب ولد عبد اللّٰہ اور دعا زوجہ رحیم بخش شامل ہیں۔
