چیئرمین تحریک انصاف عمران خان نے کہا ہے کہ جیل بھرو تحریک ایک جہاد کا نام ہے۔ جتنا زیادہ آپ جیل بھرو تحریک میں شامل ہوں گے اتنے جلدی ہم اپنے مقصد تک پہنچیں گے۔
اپنے ویڈیو پیغام میں عمران خان نے کہا کہ میں سارے پاکستانیوں سے اپیل کرتا ہوں حقیقی آزادی کے لیے جیل بھرو تحریک میں شامل ہوں ۔
یہ آپ کو ادھر لے جائے گا جہاں ایک آزاد اور خوش حال پاکستان ہوگا۔ اور یہ تب ہو گا جب ایک ریاست آپ کے بنیاد ی حقوق کا تحفظ کرے ۔
چیئرمین تحریک انصاف عمران خان نے کہا جیل بھرو تحریک ایک جہاد ہے جو ملک کو برباد کرنے والوں کے خلاف ہے۔
ٹوئٹر پر جاری بیان میں عمران خان نے کہا آج ہم دو بنیادی محرّکات و اہداف کے تحت جیل بھرو تحریک کا آغاز کر رہے ہیں۔
Today we start our Jail Bharo campaign for Haqeeqi Azadi for 2 main reasons. One, it is a peaceful, non violent protest against the attack on our constitutionally-guaranteed fundamental rights.We are facing sham FIRs & NAB cases, custodial torture, attacks on journalists & social
— Imran Khan (@ImranKhanPTI) February 22, 2023
اوّل: یہ ہمیں آئین کے تحت میسّر بنیادی حقوق پر یلغار کے خلاف ایک پر امن اور غیر متشدد احتجاج ہے۔ ہمیں جعلی ایف آئی آر، نیب کےمقدمات ، زیرِحراست تشدد، اور میڈیا و سماجی میڈیا سے وابستہ افراد پر حملوں کا سامنا ہے۔
media ppl. Two, it is against the economic meltdown brought on by cabal of crooks who have money laundered billions in looted wealth & gotten NROs for themselves while crushing the ppl, esp the poor & middle class, under the burden of spiralling inflation & rising unemployment.
— Imran Khan (@ImranKhanPTI) February 22, 2023
دوم: یہ قوم کے اربوں روپے لوٹ کر منی لانڈرنگ کے ذریعے باہر بھجوانے اور خود این آر او لے کر عوام خصوصاً غریب اور متوسط طبقے کو بڑھتی ہوئی مہنگائی اور بیروزگاری کے بوجھ تلے کچلنے والے مجرموں کے اس ٹولے کے خلاف ہے جنہوں نے قوم کو بدترین معاشی تباہی کے سپرد کیا۔
جیل بھرو تحریک
پی ٹی آئی لاہور کے جنرل سیکرٹری زبیر خان نیازی کی جانب سے جاری کئے گئے بیان کے مطابق کپتان کی کال پر جیل بھرو تحریک کا آغاز آج بدھ 22 فروری دوپہر 2 بجے چیرنگ کراس مال روڈ سے ہو گا-
گرفتاری دینے والوں میں سابق گورنر عمر چیمہ، سینیٹر ولید اقبال، سابق وزیر مراد راس، ٹکٹ ہولڈر محمد مدنی اور سینئر رہنما فواد بھلر سمیت 200 کارکنان شامل ہیں۔
