بھارتی شہر احمد آباد کے نریندرا مودی کرکٹ اسٹیڈیم میں جاری ورلڈ کپ میں پاکستان کی انتہائی مایوس کن کارکردگی نے جہاں کروڑوں پاکستانیوں کو دلبرداشتہ کیا ہے وہیں دنیائے کرکٹ کے سابق فاسٹ باؤلر شعیب اختر بھی اس افسوسناک کارکردگی پر پھٹ پڑے ہیں۔
اس وقت دماغ بہت گرم ہے
شعیب اختر نے اپنی پے در پے ٹوئٹس میں جن جذبات کا اظہار کیا ہے وہ ان کے غصہ اور دکھ کی بھرپور عکاسی کرتے ہیں۔ شعیب اختر نے ایک ٹائٹ میں لکھا ہے کہ ’ اس وقت دماغ بہت گرم ہے‘۔ جب کہ اس ٹوئٹ سے کچھ پہلے جب کہ پوری پاکستانی ٹیم نے 42.5 اوورز میں 191 رنز بنا کر پویلین واپس لوٹ گئی تو سابق فاسٹ بولر نے ٹوئٹ کی کہ ’سوا لاکھ بندہ چپ کروانے کے لیے فائر چاہیے ہوتا ہے۔ یہ صرف تب ہو سکتا ہے جب آپ کے اندر وہ آگ ہو‘۔
Sawa lakh banda akele chup kerwanay k liye fire chahiye hota hai. Yeh sirf tab ho sakta hai jab aap k andar wo aag ho.
— Shoaib Akhtar (@shoaib100mph) October 14, 2023
آج کے میچ میں جس طرح پاکستان کی پے درپے وکٹس گریں اس پر شعیب اختر سے نہیں رہا گیا اور ایک ایسے میں موقع پر جب کہ 34اوورز ہوچکے تھے شعیب اختر نے دلبرداشتہ ہو کر اپنی ایک ویڈیو پوسٹ کی جس میں انہوں نے ناصرف پاکستانی ٹیم کو تنقید کا نشانہ بنایا بلکہ انڈین ٹیم بالخصوص اس کے کپتان روہت شرما کی بھی تعریف کی۔
پاکستان اس سے فائدہ نہیں اٹھا سکا
شعیب اختر نے اپنی اس ویڈیو میں کہا کہ آپ نے میچ دیکھ لیاہے کیا خوبصورت وکٹ تھی۔ کیا زبردست پلیٹ فارم ملا ساری ٹیم کو، انہوں نے عبداللہ شفیق، امام اور بابر کا نام لیکر کہا کہ ان سب کو کمال پلیٹ فارم ملا مگر پاکستان اس سے فائدہ نہیں اٹھا سکا۔
What a waste of opportunity on a great batting wicket. Disappointed. Very disappointed. pic.twitter.com/2EnC1z9zni
— Shoaib Akhtar (@shoaib100mph) October 14, 2023
شعیب اختر کا کہنا تھا کہ پاکستان کے پاس وہ ٹیلنٹ نہیں تھا جس کو کام میں لاکر فائدہ اٹھایا جاسکتا۔ انہوں نے افسوس کے ساتھ کہا کہ پاکستان نے گیم گنوا دیا، یہ بہت مایوس کن صورتحال ہے۔ شعیب اختر نے وکٹ کے حوالے سے کہا کہ اچھی وکٹ ہے جہاں بال اوپر نہیں آرہا تو کیوں ’کراس وکٹ‘ کھیل رہے ہیں۔
ان کا کہنا تھا کہ 34 اوور میں 6 کھلاڑی آؤٹ ہو گئے ہیں، پاکستان نے بہت شاندار میچ گنوا دیا ہے۔
روہت شرما کی کیپٹن شپ امیزنگ رہی
شعیب اختر نے بھارتی ٹیم کے کپتان روہٹ شرما کی تعریف کرتے ہوئے کہا کہ انڈیا نے روہت شرما کی شاندار کپتانی میں زبردست کارکردگی کا مظاہرہ کیا ہے۔ میں سمجھتا ہوں اس کی کیپٹن شپ امیزنگ رہی۔
شعیب اختر نے روہت شرما کے حوالے سے مزید کہا کہ وہ زبردست باؤلرز کو لائے اور انہوں نے باؤلنگ میں زبردست چینجز کیں جس کی وجہ سے انڈیا میچ میں رہا ہے۔
سمجھ نہیں آیا کہ بھارت نے ٹاس جیت کر بیٹنگ پاکستان کو کیوں دی؟
Ahhh. That quietness on our boundaries. I remember this from the 90's. pic.twitter.com/Sl4IBlz5Vl
— Shoaib Akhtar (@shoaib100mph) October 14, 2023
یہاں دلچسپ بات یہ ہے کہ جس وقت پاک بھارت کرکٹ ٹاکرے کا آغاز ہوا اور انڈیا نے ٹاس جیت کرپاکستان کو پہلے بیٹنگ کی دعوت دی تب شعیب اختر نے روہت شرما کے فیصلے پر خاصی حیرت کا اظہار کیا تھا اور اس حوالے سے ٹوئٹر پر پوسٹ کی گئی اپنی ویڈیو میں کہا تھا کہ میری سمجھ نہیں آیا کہ بھارت نے ٹاس جیت کر بیٹنگ پاکستان کو کیوں دی؟ میرے خیال میں یہ درست فیصلہ نہیں۔ میں تو بہت خوش ہوں کہ پاکستان کو بیٹنگ ملی ہے۔
ان کا اس حوالے سے مزید کہنا تھا کہ یہ پاکستان کے لیے پرواز کا موقع ہے۔ دیکھیں کیا ہوتا ہے۔