جماعت اسلامی کے تحت ’قومی فلسطین کانفرنس‘ آج اسلام آباد میں ہو گی۔ امیر جماعت اسلامی سراج الحق کانفرنس کی صدارت کریں گے۔
جماعت اسلامی کے ترجمان قیصر شریف کے مطابق کانفرنس میں قومی سیاسی و مذہبی جماعتوں کے رہنما شریک ہوں گے، جبکہ سماجی رہنماؤں اور انسانی حقوق کے نمائندوں کو بھی دعوت دی گئی ہے، امیر جماعت اسلامی سراج الحق قومی فلسطین کانفرنس کی صدارت کریں گے۔
قومی کانفرنس میں مسلم لیگ (ن)، پیپلزپارٹی، پی ٹی آئی کی قیادت شریک ہو گی۔ جے یو آئی (ف)، تحریک استحکام پاکستان کی قیادت بھی موجود ۔ہو گی جبکہ مسلم لیگ ق ،اے این پی، پاکستان عوامی تحریک کے رہنما بھی شرکت کریں گے۔ دیگر قومی سیاسی جماعتوں کے رہنماؤں کو بھی مدعو کیا گیا ہے۔
کانفرنس میں فلسطین کی موجودہ صورت حال کے تناظر میں ایک مشترکہ اعلامیہ پیش کیا جائے گا۔ قومی فلسطین کانفرنس میں ارضِ مقدس اور مسجد اقصیٰ کی آزادی کے لیے تجاویز اور لائحہ عمل زیربحث آئے گا۔
جماعت اسلامی کے ترجمان کے مطابق امیر جماعت اسلامی سراج الحق آئندہ کا لائحہ دیں گے۔
