پاکستان سپر لیگ کے 11 ویں میچ میں ملتان سلطانز نے سنسنی خیز مقابلے کے بعد کراچی کنگز کو3 رنز سے شکست سے دوچار کردیا۔
ملتان سلطانز کےمقر کردہ ہدف 197 رنز کے تعاقب میں کراچی کنگز کی ٹیم مقررہ 20 اوورز میں 5 وکٹوں کے نقصان پر 193 رنز بناسکی۔
ملتان میں کھیلے گئے میچ کراچی کنگز نے ٹاس جیت کر ملتان سلطانز کو بیٹنگ کی دعوت دی۔ جس کا بھرپور فائدہ اٹھاتے ہوئے ملتان سلطانز نے 196 رنز اسکور کیے۔
ملتان سلطانز کے کپتان محمد رضوان نے 64 گیندوں پر 4 چھکوں اور 10 چوکوں کی مدد سے شاندار سنچری اسکور کی اور 110 رنز کے انفرادی مجموعہ پر ناٹ آؤٹ رہے۔ شان مسعود نے 51 اور ریلی روسو نے 29 رنز بنائے۔
Drama. Drama. Drama.
All the action in the 20th over ✨#HBLPSL8 | #SabSitarayHumaray | #MSvKK pic.twitter.com/DKebOW941u
— PakistanSuperLeague (@thePSLt20) February 22, 2023
ملتان سلطانز نے مقررہ اوورز میں 2 وکٹوں کے نقصان پر 196 رنز بنائے، کراچی کنگز کی جانب سے محمد عمر اور شعیب ملک نے ایک ایک وکٹ لی۔
کراچی کنگز نے 197 رنز کے ہدف کا تعاقب خاصا جارحانہ کیا۔ اوپنر جیمز ونس نے شاندار بیٹنگ کرتے ہوئے 75 رنز بنائے تاہم 26 گیندوں پر 47 رنز کی ناقابل شکست اننگز کھیلنے والے کپتان عماد وسیم اپنی ٹیم کو فتح سے ہمکنار کرنے میں ناکام رہے۔
میچ کا سارا ڈرامہ آخری اوور میں سمٹ آیا جب کرچی کنگز کو جیت کےلیے 21 رنز درکار تھے۔ جس میں پھینکی گئی تین اضافی گیندوں کے باوجود کراچی کنگز مطلوبہ ہدف سے تین رنز کے فاصلہ پر کھڑی رہ گئی۔
ملتان سلطانز کے عباس آفریدی نے دو جب کہ اسامہ اور خوش دل شاہ نے ایک ایک وکٹ حاصل کی۔ ملتان سلطانز کے کپتان محمد رضوان پلیئر آف دا میچ قرار پائے۔
