پاکستان نے فلسطین کے علاقہ غزہ میں واقع ایک اسپتال پر اسرائیلی حملے کی شدید الفاظ میں مذمت کرتے ہوئے اسے غیر انسانی اور ناقابل قبول قرار دیا ہے۔
وزارت خارجہ کے ایک بیان میں کہا گیا ہے کہ غزہ میں جاری اسرائیلی حملوں سے متاثرہ فلسطینی الاھلی الممدانی اسپتال میں زیر علاج تھے لہذا اس اسپتال پر حملہ انتہائی غیر انسانی ہے جس کا کوئی دفاع نہیں کرسکتا۔
🔊: PR NO. 1️⃣9️⃣9️⃣/2️⃣0️⃣2️⃣3️⃣
Pakistan strongly condemns Israeli attack on a hospital in Gaza pic.twitter.com/xfYFYg9WE3
— Ministry of Foreign Affairs – Pakistan (@ForeignOfficePk) October 17, 2023
ترجمان وزارت خارجہ ممتاز زہرا بلوچ کے مطابق ایک ہسپتال پر حملہ کرنا، جہاں شہری پناہ اور ہنگامی علاج کی تلاش میں تھے، غیر انسانی عمل ہے جس کا دفاع ممکن نہیں ہے۔ شہری آبادی اور سہولیات کو اندھا دھند نشانہ بنانا بین الاقوامی قوانین کی سنگین خلاف ورزی ہے اور جنگی جرائم کا حصہ ہے۔
’ہم بین الاقوامی برادری سے مطالبہ کرتے ہیں کہ وہ غزہ پر اسرائیلی بمباری اور محاصرے سمیت اس استثنیٰ کو فوری طور پر ختم کرنے کے لیے اقدامات کرے، جس کے ساتھ اسرائیلی حکام گزشتہ چند دنوں سے فلسطین میں کارروائیاں کر رہے ہیں۔‘
