بلوچستان کے دارالحکومت کوئٹہ میں بلدیاتی انتخابات کے شیڈول کا اعلان کر دیا گیا ہے۔
الیکشن کمیشن کے مطابق کوئٹہ میں بلدیاتی انتخابات کے لیے پولنگ 30 نومبر کو ہوگی۔ کاغذات نامزدگی 30 اکتوبر سے جاری کیے جائیں گے۔
الیکشن کمیشن کے مطابق 2 سے 4 نومبر تک کاغذات نامزدگی جمع کرائے جا سکیں گے، امیدواروں کی ابتدائی فہرستیں 6 نومبر کو جاری کر دی جائیں گی۔
شیڈول کے مطابق 7 سے 9 نومبر تک کاغذات نامزدگی کی جانچ پڑتال ہو گی، کاغذات نامزدگی سے متعلق فیصلوں کے خلاف اپیلیں 11 نومبر تک جمع کرائی جا سکیں گی اور ان پر سماعت 14 نومبر تک ہو گی۔
الیکشن کمیشن کے مطابق امیدوار کاغذات نامزدگی 16 نومبر تک واپس لے سکیں گے، 17 نومبر کو انتخابی نشانات اور امیدواروں کی حتمی فہرست جاری کی جائے گی۔
الیکشن کمیشن کے مطابق 30 نومبر کو پولنگ جبکہ 3 دسمبر کو نتائج کا اعلان کیا جائے گا۔
