پاکستان اور آسٹریلیا کے مابین آئی سی سی کرکٹ ورلڈ کپ کا میچ اس وقت (جب یہ خبر لکھی جارہی ہے) بھارت کے شہر بنگلورو میں جاری ہے۔ آسٹریلیا نے پاکستان کو جیت کے لیے 368 رنز کا ہدف دیا ہے۔
میچ کے دوران سماجی رابطے کی ویب سائٹ ایکس پر ایک ویڈٰیو وائرل ہو رہی ہے جس میں سیکورٹی پر معمور بھارتی پولیس اہلکار پاکستانی تماشائیوں کو ’پاکستان زندہ باد‘ کے نعرے لگانے سے روک رہا ہے۔
It’s shocking and upsetting to see that people are being stopped from cheering “Pakistan Zindabad” at the game.
This totally goes against what the sport is about!#CWC23 #PAKvsAUS #AUSvsPAK pic.twitter.com/iVnyFlNB09
— Momin Saqib (@mominsaqib) October 20, 2023
ویڈیو میں دیکھا جا سکتا ہے کہ بھارتی پولیس اہلکار ایک پاکستانی تماشائی کو پاکستان زندہ باد کا نعرہ لگانے سے روتے ہوئے کہہ رہا ہے کہ آپ ’بھارت ماتا کی جے‘ کا نعرہ تو لگا سکتے ہیں لیکن آپ ’پاکستان زندہ باد‘ نہیں کہہ سکتے۔
سماجی رابطے کی ویب سائٹ ایکس پر شائقین بھارتی پولیس کے اس نا مناسب عمل کو تنقید کا نشانہ بنا رہے ہیں۔
وقاص بلوچ نے ایکس پر اپنی پوسٹ میں لکھا کہ بھارت کا پاکستانی شائقین کے لیے یہ رویہ ناقابل برداشت ہے۔
This is disgusting by india. There is zero sportsmanship against Pakistan team.
— Waقas Baloch 🇵🇰 (@WacasGB) October 20, 2023
ایک اور ایکس صارف علیشہ عمران نے اپنی پوسٹ میں لکھا کہ واہ کیا منطق ہے؟ آپ پاکستان کا میچ دیکھتے ہوئے پاکستان زندہ باد کیوں نہیں بول سکتے؟۔ کہاں ہیں بھارتی صحافی اور کرکٹرز؟۔
Koi logic hay? Where’s Akash, Irfan, Danish and co? Why can’t he say “Pakistan Zindabad” while watching the match. Look at the good guy trying to calm him down. #AUSvsPAK https://t.co/f7YdIvuJDV
— Alisha Imran (@Alishaimran111) October 20, 2023
اسپورٹس صحافی فرید خان نے ایکس پر وائرل ویڈیو پوسٹ کرتے ہوئے لکھا کہ پاکستان کرکٹ بورڈ کو اس ورلڈ کپ کا بائیکاٹ کر دینا چاہیے۔ اگر شائقین پاکستان زندہ باد کا نعرہ نہیں لگائیں گے تو کیا کریں گے؟۔
I AM FUMING! THEY STOPPED PAKISTAN FANS FROM SAYING PAKISTAN ZINDABAD!!! @IrfanPathan, what is this? 😠😠@TheRealPCB should just boycott this WC! @ICC and @BCCI, what are you guys doing? What are our fans supposed to chant then? 🤦🏽♂️🤦🏽♂️ #CWC23 #PAKvsAUS pic.twitter.com/MnT2XRaIlK
— Farid Khan (@_FaridKhan) October 20, 2023
اس سے قبل پاکستان کرکٹ بورڈ(پی سی بی) نے احمد آباد میں پاکستان اور بھارت کے ورلڈکپ میچ کے دوران کراؤڈ کی جانب سے غیر مناسب رویے پر انٹرنیشنل کرکٹ کونسل سے شکایت کی تھی۔ 14 اکتوبر کو آئی سی سی کرکٹ ورلڈکپ کے سب سے بڑے ٹاکرے میں اگرچہ بھارت کی کارکردگی پاکستان پر غالب رہی اور بھارت باآسانی گرین شرٹس کو 7 وکٹوں سے شکست دینے میں کامیاب ہوگیا لیکن احمد آباد اسٹیڈیم میں موجود شائقین کا نامناسب رویہ سوشل میڈیا پر تنقید کی زد میں آگیا۔
پی سی بی نے آئی سی سی سے پاکستانی صحافیوں کے بھارتی ویزوں کے تاخیر اور ان کی غیر حاضری کی پالیسی پر احتجاج بھی کیا۔اس کے علاوہ پی سی بی نے ورلڈ کپ کے لیے پاکستانی شائقین کرکٹ کی ویزہ میں تاخیر پر بھی احتجاج ریکارڈ کر وایا۔
