پاکستان کی انٹربینک مارکیٹ میں روپے کے مقابلے میں امریکی ڈالر کی قدر میں مسلسل کمی کے بعد رواں کاروباری ہفتہ کے آغاز پر معمولی بہتری ریکارڈ کی جا رہی ہے۔
اسٹیٹ بینک آف پاکستان کے مطابق پیر کو انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں 22 پیسے کی بہتری ہوئی ہے جس کے بعد امریکی کرنسی کی نئی قیمت 279 روپے 12 پیسے ہو گئی ہے۔
اسٹیٹ بینک آف پاکستان کی کرنسی ایکسچینج رپورٹ کے مطابق سعودی ریال 74.40 روپے، اماراتی درہم 75.99 روپے، قطری ریال 76.52 روپے، کویتی دینار 902.66 روپے اور بحرینی دینار 740.96 روپے کا رہا۔
انٹربینک میں آسٹریلین ڈالر 176 روپے 13 پیسے، کینیڈین ڈالر 203 روپے 31 پیسے اور برطانوی پاؤنڈ کی قدر 339 روپے 31 پیسے ریکارڈ کی گئی۔
