سعودی ولی عہد شہزادہ محمد بن سلمان نے وزیر کھیل کو فٹبال میچوں کے شیڈول میں نماز کے اوقات کو مد نظر رکھنے کی ہدایت کی ہے۔
مزید پڑھیں
سعودی پرنٹ وسوشل میڈیا کے مطابق وزیر کھیل کو بھیجے گئے شاہی دیوان کے ایک مراسلے میں کہا گیا ہے کہ کچھ فٹبال میچوں کے شیڈول میں نماز کے اوقات کار کا خیال نہ رکھنا مشاہدے میں آیا ہے۔
ولی عہد شہزادہ محمد بن سلمان نے واضح کیا کہ یہ معاملہ قطعی طور پر ناقابل قبول ہے اور متعلقہ افراد کو دوبارہ ایسا نہیں کرنا چاہیے۔
حکم صادر کیا گیا کہ اس سلسلے میں ضروری اقدامات کرکے انہیں لاگو کیا جائے۔ سوشل میڈیا پر پھیلتے ہی اس خبر پر ملک بھر خوشی کا اظہار کیا گیا۔
