بھارتی فلم انڈسٹری بالی وڈ کے سپر اسٹار سلمان خان اور معروف اداکارہ کترینہ کیف کی میگا تھرلر فلم ’ٹائیگر 3‘ کا گانا ریلیز ہوتے ہی چھا گیا ہے۔
سپراسٹار سلمان خان نے ’فلم ٹائیگر3‘ میں جاسوس کا کردار ادا کیا ہے، مووی میں اداکارہ کترینہ کیف اور عمران ہاشمی بھی ایکشن میں نظر آئیں گے۔
سلمان خان نے سماجی رابطے سائٹ ’ایکس‘ پر ایک ویڈیو پوسٹ کی اور ساتھ ہی لکھا کہ امید ہے میرے چاہنے والوں کو یہ گانا بہت پسند آئے گا۔
Hope you like the song…#LekePrabhuKaNaam OUT NOW https://t.co/QsSZ9WYudy #Tiger3 arriving in cinemas on 12th November. Releasing in Hindi, Tamil & Telugu. #KatrinaKaif | @emraanhashmi | #ManeeshSharma | @yrf | @ipritamofficial | @OfficialAMITABH |…
— Salman Khan (@BeingSalmanKhan) October 23, 2023
میگاتھرلر فلم ’ٹائیگر3‘ کا گانا ممتاز گلوکار ارجیت سنگھ نے گایا ہے جو 9 سال بعد سلمان خان کی کسی فلم میں نظر آئیں گے۔
گانے کی ویڈیو سوشل میڈیا پر وائرل ہو رہی ہے، سلمان خان اور ارجیت سنگھ کے چاہنے والےخوشی کا اظہار کر رہے ہیں اور اداکار و گلوکار کی تعریف کی جا رہی ہے۔
اس وقت سب کی نظریں سلمان خان کی فلم ’ٹائیگر3‘ پر لگی ہوئی ہیں، یہ فلم 12 نومبر کو سینما گھروں کی زینت بنے گی۔