ورلڈ کپ 2023 میں پیر کو افغانستان نے پاکستان کو 8وکٹوں سے شکست دے دی ہے، افغانستان کی ایک روزہ میچوں میں پاکستان کے خلاف یہ پہلی فتح ہے۔
میچ میں 87 رنز کی اننگز کھیلنے پر ابراہیم زدران کو مین آف دی میچ قرار دیا گیا ہے۔
افغان بلے باز ابراہیم زدران نے مین آف دی میچ کا ایوارڈ پاکستان سے واپس جانے والے غیرقانونی افغانوں کے نام کردیا۔
ابراہیم زدران کا کہنا تھا کہ میں یہ ایوارڈ ان لوگوں کے نام کرنا چاہتا ہوں جو غیر قانونی طور پر پاکستان میں مقیم تھے اور اب انہیں واپس افغانستان بھیجا جا رہا ہے۔
ابراہیم زدران کے اس بیان کے بعد صارفین کی جانب سے شدید ردعمل سامنے آیا اور ان کے بیان کو تنقید کا نشانہ بنایا گیا۔
صحافی وجاہت کاظمی نے افغان کھلاڑی کے بیان پر کہا کہ یہ دوہرا معیار ہے۔ افغانستان کرکٹ ٹیم کے کھلاڑی کا اپنا مین آف دی میچ پاکستان میں غیرقانونی طور پر مقیم افغانوں کے نام کرنا ایک سیاسی بیان ہے، کیا آئی سی سی سو رہی ہے یا تمام قوانین صرف پاکستان کے لیے ہیں؟
Double Standards! Afghanistan cricket team player Ibrahim Zadran dedicating his Man of the Match Award to illegal immigrants being sent back to Afghanistan from Pakistan is a political statement on the field. Is ICC sleeping or do all the rules exist for Pakistan only? pic.twitter.com/iVpw77RSvI
— Wajahat Kazmi (@KazmiWajahat) October 23, 2023
ایک صارف نے کہا کہ افغان کھلاڑی نے یہ بیان باقاعدہ منصوبہ بندی سے تیار کیا تھا، غیر قانونی تارکین وطن کے لیے کوئی نرمی نہیں ہونا چاہیے۔ ان کا مزید کہنا تھا کہ افغان کھلاڑی ابراہیم زدران پر پابندی لگنا چاہیے۔
This act was fully planned. There is no relaxation for illegal Immigrants. @cricketworldcup @ICC should ban on him. https://t.co/GhUgnxNCuC
— Malik Ali Raza (@MalikAliiRaza) October 24, 2023
فرقان صدیقی لکھتے ہیں کہ ابراہم زدران کے اس بیان کو آئی سی سی اور حکومت پاکستان سنجیدگی سے لے۔ انہوں نے افغان کھلاڑی کو تنقید کا نشانہ بناتے ہوئے کہا کہ یہ برسوں تک دیکھ بھال کرنے پر بھی کبھی پاکستان کے شکر گزار نہیں ہوئے۔
This statement from Zardan should be taken seriously by ICC and also Govt of #Pakistan. Never had these Afghans ever been grateful to Pak for taking care of them for years. pushing illegal immigrants out has put them on fire. @anwaar_kakar @ForeignOfficePk https://t.co/HpLBE7IP8W
— Furqan T. Siddiqui (@furqantsiddiqui) October 23, 2023
ایک اور صارف نے کہا کہ غیر قانونی تارکین وطن کو ان کے اپنے ملک بھیجا جا رہا ہے، پھر یہ سب کیوں؟ انہوں نے انڈیا کو بھی آڑے ہاتھوں لیتے ہوئے کہا کہ انڈیا انہیں اپنے ملک کیوں نہیں لے جاتا؟
They are being sent to their home country, not hell. What is this? Why doesn't India take them?#CricketWorldCup #Afghanistan https://t.co/nJGGOWRnVC
— Otaku, The Noob Cricket Expert (@322otaku) October 23, 2023
واضح رہے کہ پاکستان نے 4دہائیوں کی میزبانی کے بعد تارکین وطن کو پاکستان چھوڑنے کے لیےایک ماہ کی ڈیڈ لائن دی تھی، اور کہا تھا کہ ڈیڈ لائن ختم ہونے کے بعد ڈی پورٹ کردیا جائے گا۔
