امریکا میں ایک شخص صبح اٹھنے کے بعد واش روم میں گیا اور جب اس نے کموڈ میں ایک اگوانا کو تیرتے دیکھا تو اس کے اوسان ہی خطا ہوگئے۔
یہ واقعہ ہالی ووڈ، فلوریڈا کے رہائشی گیری گرین سپین کے ساتھ پیش آیا۔ گیری نے اس واقعہ کے بارے میں بات کرتے ہوئے بتایا کہ یہ بہت ہی عجیب سی بات ہے کہ آپ صبح اٹھ کر واش روم جائیں اور کموڈ میں آپ کو اگوانا چھپکلی تیرتی نظر آئے اور بھی زندہ۔
مزید پڑھیں
گیری نے بتایا کہ کموڈ میں اگوانا کو دیکھ کر اسے حیرت کا جھٹکا لگا اور اس نے فوراً جانور پکڑنے والے ادارے کو کال کیا۔ گیری نے مزید بتایا کہ اگوانا کو دیکھ کر وہ یہی سوچ رہا تھا کہ خدا جانے یہ چھپکلی اس کموڈ میں غسل کے لیے ائی ہے یا کسی اور کام سے۔
گیری نے بتایا کہ اسے یقین تھا کہ جب جانور پکڑنے والے ادارے کا ملازم اگوانا کو پکڑ لے گا تو یہ اس کے اور اگوانا دونوں کے لیے خوشی کا لمحہ ہوگا تاہم اگوانا اس کے پہنچنے سے پہلے ہی غائب ہوگیا ، گیری نے امید ظاہر کی ہے کہ اگوانا سیوریج سسٹم میں بخیروعافیت چلا گیا ہوگا اور دوبارہ سے اس کے کموڈ میں آنے کا ارادہ نہیں کرے گا۔
