بلوچستان میں دہشت گردوں نے فوجی کانوا ئے پر اچانک حملہ کر کے 14 فوجی جوانوں کو شہید کر دیا ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ بلوچستان کے علاقے پسنی سے اورماڑہ جانے والے سیکیورٹی فورسز کے کانوائے میں شامل 2 گاڑیوں پر دہشتگردوں نے اچانک حملہ کیا جس کے نتیجے میں پاک افواج کے 14 جوانوں نے جام شہادت نوش کر لیا ہے۔
مزید پڑھیں
پاک فوج کے شعبہ تعلقات عامہ (آئی ایس پی آر) کے مطابق ضلع گوادر کے علاقے پسنی سے اورماڑہ جانے والے سیکیورٹی فورسز کے کانوئے میں شامل 2گاڑیوں پر دہشتگردوں نے گھات لگا کر حملہ کیا جس کے نتیجے میں پیش آنے والے افسوسناک واقعے میں 14 فوجی جوان شہید ہوگئے۔
آئی ایس پی آر نے بتایاکہ علاقے میں دہشت گردوں کے خلاف آپریشن شروع کر دیا گیا ہے، اس گھناؤنے فعل میں ملوث دہشت گردوں سے حساب لیا جائے گا۔
آئی ایس پی آر کا کہنا ہے کہ سیکیورٹی فورسز ملک سے دہشتگردی کی لعنت کے خاتمے کے لیے پرعزم ہیں، ہمارے بہادر سپاہیوں کی قربانیاں ہمارے عزم کو مزید مضبوط کرتی ہیں۔
نگران وزیراعظم انوار الحق کاکڑ کی ضلع گوادر میں سیکیورٹی فورسز کے قافلے پر دہشت گردوں کے حملے کی شدید الفاظ میں مزمت.
وزیرِ اعظم نے حملے میں جامِ شہادت نوش کرنے والے سیکیورٹی فورسز کے 14 اہلکاروں کو خراجِ عقیدت پیش کیا. وزیرِ اعظم نے شہداء کی بلندیِ درجات اور اہلِ خانہ کیلئے صبر…
— Prime Minister's Office (@PakPMO) November 3, 2023
افواج کی قربانیاں رائیگاں نہیں جائیں گی، دہشتگردی کے ناسور کو جڑ سے اکھاڑ پھینکیں گے، وزیر اعظم
نگراں وزیراعظم انوار الحق کاکڑ نے ضلع گوادر میں سیکیورٹی فورسز کے قافلے پر دہشت گردوں کے حملے کی شدید الفاظ میں مذمت کی ہے ۔
سماجی رابطے کی ویب سائٹ ’ایکس‘ پر اپنی پوسٹ میں وزیرِ اعظم نے حملے میں جامِ شہادت نوش کرنے والے سیکیورٹی فورسز کے 14 اہلکاروں کو خراجِ عقیدت پیش کیا اور شہداء کی بلندیِ درجات اور اہلِ خانہ کے لیے صبر جمیل کی دعا کی۔
وزیرِ اعظم نے اپنی پوسٹ میں لکھا کہ ’ دہشت گردوں کے ناپاک عزائم کو کبھی کامیاب نہیں ہونے دیں گے، شہدا نے ملک کی حفاظت کی خاطر اپنی جانوں کا نظرانہ پیش کیا۔
وزیرِ اعظم نے مزید کہا کہ مجھ سمیت پوری پاکستانی قوم کو اپنے شہداء پر فخر ہے۔ دہشت گردوں کے ایسے بزدلانہ حملے پاکستانی قوم اور اس کے رکھوالوں کے حوصلے کبھی پست نہ کر پائیں گے۔ پوری قوم دہشت گردی کے اس ناسور کے خاتمے کے لیے اپنی سیکیورٹی فورسز کے شانہ بشانہ کھڑی ہے۔
Strongly condemn the cowardly terrorist attack on our soldiers which resulted in the martyrdom of 14 brave sons of the soil. Such acts are utterly reprehensible. Our thoughts and prayers are with families of the martyred and injured. Pakistan stands resolute against terrorists
— Jalil Abbas Jilani (@JalilJilani) November 3, 2023
سیکیورٹی فورسز کی قربانیاں رائیگاں نہیں جانے دیں گے، چیئرمین سینیٹ
ادھر چیئرمین سینیٹ محمد صادق سنجرانی نے پسنی اورماڑہ کے درمیان سکیورٹی فورسز کی گاڑی پر حملے کی شدید الفاظ میں مذمت کرتے ہوئے کہا ہے کہ دہشت گردوں کو پاکستان کا امن تباہ کرنے میں کامیاب نہیں ہونے دیں گے۔ پوری قوم کو اپنی سیکیورٹی فورسز پر فخر ہے ، ان کی قربانیاں رائیگاں نہیں جائیں گی ۔
چیئرمین پی پی پی بلاول بھٹو زرداری کی ضلع گوادر میں سیکیورٹی فورسز کے قافلے پر دہشت گردوں کے حملے کی مذمت
دہشت گردوں نے پسنی اورماڑہ کے راستے پر گھات لگا کر فوجی جوانوں پر بزدلانہ حملہ کیا، چیئرمین بلاول بھٹو زرداری
چیئرمین بلاول بھٹو زرداری کا دہشت گردوں کے بزدلانہ حملے میں…
— PPP (@MediaCellPPP) November 3, 2023
سینیٹ سیکرٹریٹ کے مطابق چیئرمین سینیٹ نے حملے میں جام شہادت نوش کرنے والے جوانوں کو خراج عقیدت اور خاندانوں سے افسوس و تعزیت کا اظہار کیا ہے۔
انہوں نے کہا کہ دہشت گردی کے واقعات بلوچستان کا امن تباہ کرنے کی سازش ہیں۔ چیئرمین سینیٹ نے کہا کہ دہشت گرد ترقی کے عمل کو روکنا چاہتے ہیں جس میں وہ کبھی کامیاب نہیں ہوں گے۔
چیئرمین سینیٹ نے کہا کہ پاکستان خطے میں امن کے لئے دہشت گردی کے خلاف ہمیشہ آواز اٹھاتا رہے گا، ایسے بزدلانہ حملے ملک میں امن وامان کی صورتحال کو سبوتاژ نہیں کرسکتے۔
مرزا محمد آفریدی، اسحاق ڈار، شہزاد وسیم کی سیکیورٹی فورسز پر حملے کی مذمت
دریں اثناء ڈپٹی چیئرمین سینیٹ مرزا محمد آفریدی، قائد ایوان سینیٹ سینیٹر محمد اسحاق ڈاراور قائد حزب اختلاف سینیٹ سینیٹر ڈاکٹر شہزاد وسیم نے بھی پسنی اور ماڑہ کے درمیان سیکیورٹی فورسز پر حملے کی بھی شدید الفاظ میں مذمت کی۔ انہوں نے کہا کہ دہشت گرد پوری انسانیت کے دشمن ہیں،پاکستان دہشت گردی کے ناسور کو ختم کرنے کیلئے پرعزم ہے۔
I strongly and unequivocally condemn the terrorist attack which left to the loss of 14 of our brave soldiers.
What a price our country has paid in this long war against terrorism! So many lives left desolate.
Heart ❤️ goes out to the families of the martyrs and the injured.…— SenatorSherryRehman (@sherryrehman) November 3, 2023
دہشت گردی کے خاتمے تک چین سے نہیں بیٹھیں گے، سرفراز احمد بگٹی
نگران وزیر داخلہ سرفراز احمد بگٹی نے پسنی سے اوڑمارا جانے والے سیکیورٹی فورسز کے قافلے پر حملے کی شدید مذمت کرتے ہوئے کہا ہے کہ سیکیورٹی فورسز کے جوانوں کی عظیم قربانیاں رائیگاں نہیں جائیں گی۔
دہشت گردی کے خاتمے تک چین سے نہیں بیٹھیں گے،دہشت گردوں کی بزدلانہ کارروائیاں ہمارے حوصلے پست نہیں کر سکتیں۔
جمعہ کو اپنے بیان میں وفاقی وزیر سرفراز بگٹی نے کہا کہ شہداء کے بلند درجات کے لیے دعا گو ہیں، پوری قوم شہداء کے اہل خانہ کے غم میں برابر کی شریک ہے۔ انہوں نے کہا کہ سیکیورٹی فورسز دہشت گردی کے خلاف جنگ انتہائی بہادری سے لڑ رہی ہیں۔
ہمارے جوان اپنی جانوں پر کھیل کر ملک وقوم کی حفاظت کر رہے ہیں، ملک دشمن عناصر اپنے مذموم عزائم میں کبھی کامیاب نہیں ہوں گے۔
نگراں وزیر اعلیٰ بلوچستان کی سیکیورٹی فورسز پر حملے کی مذمت
نگراں وزیر اعلیٰ بلوچستان میر علی مردان خان ڈومکی نے پسنی اور اورماڑہ کے درمیان سیکیورٹی فورسز کی گاڑی پر حملے کی مذمت کرتے ہوئے کہا ہے کہ عوام کے جان و مال کے تحفظ پر مامور جوانوں پر حملہ بزدلانہ فعل ہے ۔
اپنے ایک بیان میں نگراں وزیر اعلیٰ نےحملے میں جام شہادت نوش کرنے والے جوانوں کو خراج عقیدت پیش کیا جبکہ سوگوار خاندانوں سے افسوس و تعزیت کا اظہار کرتے ہوئے کہا کہ دہشت گردی کے واقعات بلوچستان کا امن تباہ کرنے کی سازش ہیں، بیش بہا قربانیوں کے بعد بحال ہونے والا امن خراب کرنے کی اجازت نہیں دیں گے۔
پوری قوم کو اپنی سیکیورٹی فورسز پر فخر ہے اور دہشتگردی کے خاتمے اور بحالی امن کے لیے پوری قوم سیکیورٹی فورسز کے شانہ بشانہ کھڑی ہے، عوام اور سیکیورٹی فورسز مل کر ملک سے تخریب کاری اور دہشتگردی کو جڑ سے اکھاڑ پھینکیں گے۔
