آئی سی سی ورلڈ کپ کے مقابلے بھارت میں جاری ہیں، اور جنوبی افریقہ کی کرکٹ ٹیم نے سیمی فائنل کے لیے کوالیفائی کر لیا ہے۔
جنوبی افریقہ کی کرکٹ ٹیم ورلڈ کپ کے سیمی فائنل میں جگہ بنانے والی دوسری ٹیم ہے، اس سے قبل بھارت نے سیمی فائنل کے لیے کوالیفائی کیا تھا۔
پوائنٹس ٹیبل کے مطابق بھارتی ٹیم کے 14 پوائنٹس ہیں اور پہلے نمبر پر براجمان ہے، اس کے بعد 12 پوائنٹس کے ساتھ جنوبی افریقہ کا دوسرا نمبر ہے۔
Bringing the Protea Fire to the semi-finals 🔥
South Africa are through to the penultimate stage of #CWC23 👏 pic.twitter.com/dnJQlVhEqX
— ICC (@ICC) November 4, 2023
پوائنٹس ٹیبل پر آسٹریلیا کی ٹیم تیسرے جبکہ نیوزی لینڈ چوتھے نمبر پر موجود ہے۔
پاکستان کرکٹ ٹیم نے اب تک 8 میں سے 4 میچوں میں کامیابی حاصل کی ہے اور پانچویں نمبر پر ہے جبکہ افغانستان کی ٹیم اب چھٹے نمبر چلی گئی ہے۔
ورلڈ کپ سیمی فائنل کے لیے کون سی مزید 2 ٹیمیں کوالیفائی کر پائیں گی اس کا فیصلہ ابھی ہونا باقی ہے۔ پاکستان، آسٹریلیا، نیوزی لینڈ اور افغانستان اس دوڑ میں شامل ہیں۔
پاکستان کرکٹ ٹیم آج کا میچ جیتنے کے باوجود اگر مگر کی کیفیت کا شکار ہے۔
