بھارتی کرکٹ ٹیم کے فاسٹ بولر محمد شامی نے سابق پاکستانی کرکٹر حسن رضا کے آئی سی سی اور بی سی سی آئی پر جانبداری کے الزامات پر حسن رضا کو آڑے ہاتھوں لیا ہے۔
چند روز قبل نجی ٹی وی چینل کے ایک پروگرام میں گفتگو کرتے ہوئے حسن رضا نے کہا تھا کہ ‘ہم دیکھ رہے ہیں کہ جب بھارتی ٹیم بولنگ کرتی ہے تب گیند مختلف ہوجاتی ہے، اس کے علاوہ ڈی آر ایس بھی ان کے حق میں گیا’۔
حسن رضا کا کہنا تھا کہ ‘محمد سراج اورمحمد شامی جس طرح گیند کو سوئنگ کر رہے تھے اس سے ایسا لگ رہا تھا کہ آئی سی سی یا بی سی سی آئی انہیں دوسری اننگز میں مختلف گیندیں دے رہے ہیں، گیند کا معائنہ کرنے کی ضرورت ہے، سوئنگ کے لیے گیند پر کوٹنگ کی ایک اضافی تہہ بھی ہو سکتی ہے’۔
Hassan Raza Discuss the BCCI planning in India During the World Cup 🤣🤣💯❤️💓😙 #INDvsSA #CWC2023 pic.twitter.com/1GTX6Om1WJ
— Asad KSA 🇸🇦 (@ItsAsadKSA) November 6, 2023
بھارتی بولر محمد شامی نے حسن رضا کے وائرل کلپ کی ویڈیو انسٹاگرام کی اسٹوری پر شیئر کی اور لکھا ‘شرم کرو، کھیل پر فوکس کرو نہ کہ فالتو بکواس پر، کبھی تو دوسروں کی کامیابی کو انجوائے کیا کرو، یہ آئی سی سی ٹورنامنٹ ہے، آپ کا لوکل ٹورنامنٹ نہیں، آپ کھلاڑی ہی تھے نا؟’
شامی نے مزید کہا ‘وسیم بھائی نے سمجھایا ہے، پھر بھی، اپنے کھلاڑی وسیم اکرم پر یقین نہیں ہے آپ کو؟ آپ تو اپنی ہی تعریف کرنے میں لگے ہوئے ہیں’۔
