اسلام آباد ہائیکورٹ نے مبینہ آڈیو لیکس ٹی وی چینلز پر نشر کرنے سے متعلق پیمرا کیخلاف توہین عدالت کی درخواست ناقابل سماعت قرار دے کر خارج کردی ۔
میڈیا رپورٹ کے مطابق اسلام آبادہائیکورٹ میں مبینہ آڈیو لیکس مختلف ٹی وی چینلز پر نشر کرنے سے متعلق پیمرا کیخلاف توہین عدالت کی درخواست پر سماعت ہوئی۔
درخواست کی سماعت جسٹس محسن اختر کیانی نے کی۔
عدالت نے وکیل درخواست گزار سے استفسار کیا کہ کیا آپ کیس میں متاثرہ فریق ہیں؟متاثرہ فریق نہ ہونے پر توہین عدالت کی کارروائی کیسے ہو سکتی ہے ۔
اسلام آباد ہائی کورٹ نے درخواست گزار کو متعلقہ فورم سے رجوع کرنے کی ہدایت کرتے ہوئے توہین عدالت کی درخواست کو ناقابل سماعت قرار دیتے ہوئے درخواست خارج کر دی۔
